काठमाडौं । बुधबार बिहान राजधानी काठमाडौं लगायत मुलुकका अधिकांश स्थानमा हल्का वर्षा भइरहेको जल तथा मौसम विज्ञान विभागले जनाएको छ। पश्चिमी न्यून चापीय प्रणालीको प्रभावका कारण वर्षासँगै उच्च पहाडी तथा हिमाली क्षेत्रमा हिमपात समेत भइरहेको विभागले जनाएको छ।
विभागका अनुसार दिउँसो समान्य र पूर्ण बदली भई मध्य वर्षा हुन सक्नेछ। अधिकांश उच्च पहाडी क्षेत्रमा हिमपातको सम्भावना रहेको छ। रातिसम्म पनि मौसममा सुधार नहुने विभागले जनाएको छ।
उच्च पहाडी र हिमाली क्षेत्रमा हिमपात हुने तथा मौसममा बदली हुँदा हवाई यातायात एवम् सामान्य जनजीवनमा समेत प्रतिकूल असर पर्ने विभागले जनाएको छ। यस्तै विभागले चिसो बढ्न सक्ने भन्दै त्यसबाट बच्न सर्वसाधारणलाई आग्रह गरेको छ।
मौसम शुक्रबारसम्ममा सुधार हुने विभागको अनुमान रहेको छ। शुक्रबार केही स्थानमा मात्र हल्का वर्षाको सम्भावना रहेको जनाइएको छ।
प्रतिक्रिया दिनुहोस
सफल खबर संवाददाता
बुधबार, १४ पुस २०७८, ०८ : ०२
लेखकबाट थप
सम्बन्धित समाचारहरु
आजको मौसम : यी प्रदेशहरुमा वर्षाको सम्भावना
कस्तो रहला आजको मौसम ?
कस्तो रहला आजको मौसम ?
आजको मौसम : यी प्रदेशमा वर्षाको सम्भावना
आजको मौसम : कोशी र बागमती प्रदेशमा धेरै वर्षाको सम्भावना
आजको मौसम : यी प्रदेशमा धेरै वर्षाको सम्भावना