मनोनयन अगाडिमात्र उम्मेदवारबारे निर्णय गर्छु : सिटौला

काठमाडौं । नेपाली कांग्रेसका नेता कृष्णप्रसाद सिटौलाले आफू पार्टीको सम्पूर्ण एकताको पक्षमा रहेको बताएका छन् । कांग्रेसको १४ औं महाधिवेशनको पूर्वसन्ध्यामा आफूनिकटका कार्यकर्तासँग उनले अध्यक्षमा उम्मदेवारी दिने वा नदिने विषयमा केही बोलेनन् ।

सिटौलाले कांग्रेस चुनावको मनोनयनअघि मात्रै आफू खुल्ने जानकारी दिए । आफूलाई अभाव, संकट र जोखिममा निरन्तर साथ दिनेहरूलाई आफूले कहिल्यै साथ नछोड्ने उनले बताए । सिटौलाले भने, ‘मसँग जोडिएका साथीहरूलाई स्थापित गर्ने मेरो रणनीति रहन्छ । हामी अब उमेरका हिसाबले बुढा भयौं । अब पालो हाम्रा छोराछोरी र भाइबहिनीको हो । म अब युवाहरूलाई अघि बढाउन चाहन्छु ।’

सिटौलाले आफ्नोतर्फबाट युवाहरूको नेतृत्व गर्ने जिम्मेवारी प्रदीप पौडेललाई दिने घोषणा गरे । भाषणको अन्त्यमा उनले भने, ‘म जहाँ छु, कांग्रेस त्यहीँ रहन्छ ।’