काठमाडौं । काँग्रेस प्रवक्ता विश्वप्रकाश शर्माले पार्टी केन्द्रीय सदस्य एवं कृयाशिल सदस्यता छानबिन समितिका सदस्य श्यामकुमार घिमिरेमाथि भएको आक्रमण अत्यन्तै निन्दनीय भएको बताएका छन् ।
शनिबार एक विज्ञप्तिमार्फत घिमिरेले कृयाशिल सदस्यताको छानबिन स्थलमा पुगेर सांगठनिक कार्यमा व्यस्त रहेको समयमा एकाएक गरिएको आक्रमण पार्टीको अनुशासित सदस्यको परिचय हुन नसक्ने उल्लेख गरेका छन् । ‘महाधिवेशन तयारीमा शुक्रबार बसेको पार्टी पदाधिकारी र पूर्व पदाधिकारी बैठकले घटनालाई गम्भीरतापूर्वक लिएको छ’, विज्ञप्तिमा भनिएको छ ।
प्राप्त छोटो समय र कोभिड महामारीका बीच पनि केन्द्रीय सदस्य रमेश लेखकको नेतृत्वमा रहेकोे कृयाशिल सदस्यता छानबिन समितिले रातदिन कार्य सम्पादन गरिरहेको बिषयलाई पार्टी नेतृत्व तहले बैठक क्रममा उच्च सह्राहना गरेको पनि प्रवक्ता शर्माले बताएका छन् ।
‘सदस्यता सम्बन्धि कुनै निर्णय उपर निर्दिष्ट गरिएको उजुरीको निश्चित विधि र सुनुवाइको प्रक्रिया बाहिर गएर प्रकट हुने अराजक, अनुशासनहिन र दण्डनीय गतिविधि अस्वीकार्य छ’, शर्माले भनेका छन् । छानविन समिति कार्यस्थल गौशालास्थित नेपाल भारतमैत्री धर्मशालामा पुगेर सिन्धुपाल्चोकका कार्यकर्ताले घिमिरेमाथि आक्रमण गरेको बताइएको छ ।
प्रतिक्रिया दिनुहोस
सफल खबर संवाददाता
शनिबार, ०२ साउन २०७८, ०७ : ५८
लेखकबाट थप
सम्बन्धित समाचारहरु
धनराज गुरुङमाथि सीआईबीले छानविन सुरु गरिसक्यो : विश्वप्रकाश शर्मा
देउवा अब प्रधानमन्त्री बन्नु हुँदैन : विश्वप्रकाश शर्मा
दुई पटक मात्रै प्रधानमन्त्री बन्न पाउने प्रस्ताव पास हुन्छ : महामन्त्री शर्मा
कांग्रेस र एमालेबीचको विमतिलाई जबरजस्ती छोप्न खोजे दुर्घटना हुन्छः विश्वप्रकाश शर्मा
गिरीबन्धु प्रकरणलक्षित गर्दै विश्वप्रकाशले भने - ‘प्रधानमन्त्रीलाई कुनै छुट छैन’
प्रधानमन्त्रीलाई राजीनामा दिने वा विश्वासको मत लिने दुवै सुविधा छ : विश्वप्रकाश शर्मा