काठमाडौँ । प्रधानमन्त्री खड्ग ओली विरोधीलाई जसरी पनि सक्ने रणनीतिका साथ नेपालमा तानाशाही व्यवस्था लागू गर्न उद्यत् छन् । काँग्रेसले त्यसै भनेको होइन रहेछ । उनले आगामी वैशाखमा निर्वाचन घोषणा गरेका छन् । ओलीले निर्वाचन नगर्नका लागि मात्रै घोषणा गरेका हुन् । किनकी हुदा खाँदाको दुई तिहाई जनमतलाई ध्वंश बनाएर कोही कसैले पनि निर्वाचन घोषणा गर्दैन ।
यो राजनीतिक बहुलट्ठीलाई नेपाली जनताले शतप्रतिशत रुपमा अस्वीकार गरिदिएका छन् । किनकी ओली गुटका एकाध कार्यकर्ता बाहेक अधिकाशंले ओली तानाशाही बाटोमा अग्रसर भएको तथ्यलाई स्वीकार गर्दै विरोधमा उत्रिएका छन् । उनीहरुले संविधानको रक्षाका लागि जनसंघर्षको विकल्प नभएको बताएका छन् । संविधानसभाका तत्कालिन अध्यक्ष भएका सुवास नेम्वाङको चरित्र पनि सार्वजनिक भएको छ । खड्ग ओलीलाई अनाव्श्यक हर्कत गर्न उक्साउने मध्येका एक पात्र हुन नेम्वाङ । बाहिर बाहिर मिठा र चिल्ला कुरा गर्ने नेम्वाङको खराब चरित्रका कारण पनि ओलीले संविधान माथि ज्यादती गर्न सफल भएका हुन् ।
नहुने कुरालाई हुँदैन नभन्ने, ओलीका अगाडि गरुडको छाँयामा सर्प परे जस्तै हुने नेम्वाङले दिएको गलत सल्लाहका कारण नै नेपाली जनताले लडेर स्थापना गरेको गणतन्त्रमाथि कालो बादल मडारिएको हो । न त गणतन्त्रको आन्दोलनमा ओली सहभागी थिए , न त उनको बलिदान नै थियो । माओवादीले लडेर ल्याइदिएको गणतन्त्रको रसास्वादन गरेर बसेका खड्ग ओलीको गलत कदमलाई नेम्वाङले गलत भन्न नसक्नु पनि उनको द्धैध चरित्र नै रहेको आम मानिसको बुझाइ छ । संघीय संसदमा ओली विरुद्ध दर्ता भएको अविश्वासको प्रस्तावको समयलाई फेरबदल गर्न नेम्वाङले संघीय संसदका महासचिव भरतराज गौतमलाई दिएको दबाव पनि त्यसैको परिणती हो । उनले गौतमलाई जागिर खाइदिन्छु भन्दै धम्क्याएको विषय पनि सार्वजनिक भएको छ ।
पछिल्ला दिनमा ओलीले आफना सहयोद्धालाई श्रद्धान्जली दिन समेत भ्याइसकेका छन् । मदन भण्डारीको रहस्यमय हत्यापछि ओलीले देखाएको व्यवहार र चरित्रले पनि उनले पार्टी भित्र र बाहिरका आलोचकलाई त्यसैगरी सिध्याउन खोजेका थिए । कहिले भ्रष्टाचारीको बिल्ला लगाएर त कहिले अनेकन अन्य आरोप लगाएर । पछिल्लो पटक त उनले प्रचण्ड र माधव नेपाललाई श्रद्धान्जली नै दिएका छन् । ओलीले ज्यूदा नेतालाई श्रद्धान्जली दिएर उनी मानसिक रुपमा समेत बिरामी रहेको पुष्टि गरेका छन् । मानसिक रोगीलाई पाटन लगेर उपचार गराउँदा ठिक होला भन्दै सामाजिक सञ्जालमा ओलीको विरोध भइरहेको छ । ओली विरुद्ध क्रमशः जनमत बन्दै गएको छ । ओली विरुद्धको जनमत विगतमा ज्ञानेन्द्र विरुद्ध बन्दै गएको जनमत जस्तै बन्दै गएको छ ।
विगतमा ज्ञानेन्द्र विरुद्ध पनि क्रमशः आम नेपाली जनता सडकमा उत्रिएका थिए । पछिल्ला दिनमा ओली विरुद्ध पनि जनसंघर्षको मार्ग प्रशस्त बन्दै गएको छ । त्यसले ओलीलाई इतिहासको गर्तमा लगेर मिल्काइदिने राजनीतिक विश्लेषकहरुको टिप्पणी छ । सर्वोच्च अदालतले संसद पुनः स्थापना गरिदिएको दिन ओली र उनको गुटमा लागेकाहरले उपियाले छाडे जसरी नै छाड्नेमा कुनै दुविधा छैन् । त्यसबेला ओली र उनका आसेपासेहरु गोकूल बाँस्कोटा र महेश बस्नेतहरु झोली तुम्मा बोकेर फर्कनेछन् । किनकी ओलीका अघिपछि रहेका विष्णु रिमाल र सुर्य थापाहरु क्रमशः कारवाहीको भागिदार हुनेछन् ।
खड्ग ओली विरुद्धको संघर्षमा प्रमुख प्रतिपक्षी दल नेपाली काँग्रेस पनि बाध्यताले भएपनि उत्रिएको छ । यस्तै, नागरिक समाज, कवि कलाकार तथा सरोकारवाला सबै आन्दोलनमा उत्रिएका छन् । सबै वर्ग तथा समुदाय आन्दोलनमा उत्रिएपछि ओलीको सर्वनाश निश्चितप्राय नै भएको छ । किनकी, जनता विरुद्ध लाग्ने कोही कसैले पनि शक्तिमा रहीरहेको इतिहास संसारभर नै छैन । अमेरिकामा त डोनाल्ड ट्रम्पहरु समेत गलहत्याइने अवस्थामा पुगेका छन् । ओली न नेपाली जनताका लागि खासै ठूलो दुश्मन नभएको राजनीतिक विश्लेषकहरुको टिप्पणी छ । किनकी उनी एकाध झट्कामा नै फालिनेछन् ।
प्रतिक्रिया दिनुहोस
सफल खबर संवाददाता
शनिबार, २५ पुस २०७७, १० : ४६
लेखकबाट थप
सम्बन्धित समाचारहरु
नीति र राजनीति दुवैमा स्थायित्व चाहिएको छ: प्रधानमन्त्री ओली
प्रधानमन्त्री ओलीद्वारा राष्ट्रसङ्घको महासभामा भाग लिने विषयमा सदनलाई जानकारी
प्रधानमन्त्री ओलीले देउवालाई जन्मदिनको अवसरमा दोसल्ला ओढाएर दिए शुभकामना
नदी किनारबाट थप २० मिटर मापदण्डको फैसलामाथि सरकार छिट्टै भ्याकेटमा जान्छ : प्रधानमन्त्री ओली
इपिजीको प्रतिवेदन भारतले बुझ्नुपर्ने प्रधानमन्त्री ओलीको भनाई
मानव बेचबिखन तथा ओसारपसार जघन्य अपराध हो : प्रधानमन्त्री ओली