काठमाडौँ । प्रतिनिधि सभा विघटन गरेपछि सबैभन्दा खुसी भएको को होला ? यतिखेर । आम मानिसले सहजै भन्न सक्छन्, पूर्व राजा ज्ञानेन्द्र । तर होइन, उनले हालै सार्वजनिक गरेको एक ट्विटमा ज्ञानेन्द्रले जनताको निर्णय नमान्ने शासकलाई जनताले नै ठेगान लगाइदिने बताएका छन् । उनले आफूले सहजै राजदरबार छाडेर नेपाली जनताको मतलाई सम्मान गरेको उनले बताएका छन् । तर खड्ग ओलीको हैसियत ज्ञानेन्द्रको भन्दा पनि तल्लो स्तरमा रहेको उनका पछिल्ला गतिविधिले देखाएको छ ।
ओलीले नेपालको इतिहासमा नै सबैभन्दा बढी मत पाएको नेकपालाई फुटाउने हर्कत मात्रै गरेनन् संविधन सभाबाट निर्माण भएको संविधानलाई समेत पङ्गु बनाउने कुचेष्टा गरे । आफू नभए कुर्सी नै भाँचिदिने बताएका ओलीले नेपाली जनताको भरोसामाथि नै विश्वासघात गरेका छन् । ओलीले गरेको ज्यादतीका कारण संविधान नै नरहने हो कि भन्ने चिन्ता पनि बढेर गएको छ । विशेषगरी भारतीय खुफिया एजेन्सीसँग ओलीको राम्रै सम्बन्ध थियो । ओलीले हायात होटलमा गएर रअका प्रमुख सामान्त गोयलसँग ३ घण्टा लामो कुराकानी गरेका थिए । विवादास्पद व्यापारी रामेश्वर थापाको योजनामा नै यी सबै तालमेल मिलाइएको थियो ।
राजनीतिक सम्बन्ध विस्तार गर्नुको साटो, राष्ट्रवादको जामा पहिरेर ओलीले देश विरुद्ध नै घात गरेका छन् । संसद् विघटन गरेर निर्वाचनको घोषणा गरेका ओली ज्ञानेन्द्रलाई समेत माथ गर्ने शैलीमा यही पुसको तेस्रो साता अर्थात् पुस २१ गते भारत भ्रमणमा जान लागेका छन् । ओलीलाई भारत भ्रमण गराउन उनै रामेश्वर थापादेखि रअका प्रमुखसम्म लागिपरेका छन् ।
राजनीतिक सम्बन्ध विस्तार गर्नुको साटो, राष्ट्रवादको जामा पहिरेर ओलीले देश विरुद्ध नै घात गरेका छन् । संसद् विघटन गरेर निर्वाचनको घोषणा गरेका ओली ज्ञानेन्द्रलाई समेत माथ गर्ने शैलीमा यही पुसको तेस्रो साता अर्थात् पुस २१ गते भारत भ्रमणमा जान लागेका छन् । ओलीलाई भारत भ्रमण गराउन उनै रामेश्वर थापादेखि रअका प्रमुखसम्म लागिपरेका छन् ।
नेपालको संसद् विघटन भएपछि यतिखेर सबैभन्दा खुसी भारतीय संस्थापन पक्ष नै भएको छ । रअ नेपालमा सफल भएको, नेकपा दुई टुक्रामा विभक्त भएको, दुई तिहाइ जनमतमा खण्डित भएको भन्दै भारतले प्रसन्नता व्यक्त गरेको छ । यही अवसरमा ओलीको भारत भ्रमण गराउने तयारी थालिएको छ ।
विशेषगरी नेपालस्थित भारतीय राजदूतावासलाई समेत जानकारी नदिई भित्रभित्रै भ्रमणको तयारी थालिएको जानकारहरू बताउँछन् । ओलीको भारत भ्रमणको तयारी भइरहेको बालुवाटार निकटस्थको भनाइ छ । परराष्ट्र मन्त्रालयले पनि ओलीलाई भारत पु¥याउने योजना बनाएको छ । ओलीको कदम गलत भएको बताएका प्रदीप ज्ञवालीले समेत पछिल्लो पटक राम्रै हप्की खाएका छन् ।
प्रचण्डहरूको योजनामा लागेर मेरो विरुद्धमा लाग्ने भन्दै ओलीले ज्ञवालीलाई टिप्पा लिएका थिए । उनै ज्ञवालीले ओलीलाई भारत भ्रमणमा लगेर राम्रैसँग खुइल्याउनुपर्छ भन्दै लागेका छन् । पार्टी फुटाएर, संसद् विघटन गरेर भारत भ्रमणमा गएपछि ओलीको राष्ट्रवाद राम्रैगरी सतहमा देखिने भएकाले केहीले भनेजति सकिन्छ, त्यति नै चाँडो भारत भ्रमणमा लैजान सहजीकरण गरिरहेको बताइन्छ ।
नेपालको नक्सा छाप्न नमान्ने, छापिएका नक्सा वितरण गर्नसमेत नदिएका ओलीले देखाएको देशप्रेम र राष्ट्रवाद नक्कली हो भन्ने देखाउन पनि उनको भारत भ्रमण अपरिहार्य रहेको जानकारहरू बताउँछन् । जे भए पनि ओली अब पूर्वराजा ज्ञानेन्द्रहरूसँग मिलेर गणतन्त्रविरुद्ध उभिए भने अन्यथा नमान्ने अवस्थामा पुगेका छन् । किनकि ओली र ज्ञानेन्द्रको गठबन्धन हुने र त्यो गणतन्त्र र परिवर्तनका एजेन्डाविरुद्ध मुखरित हुने अवस्था सिर्जना भएको छ ।
प्रतिक्रिया दिनुहोस
सफल खबर संवाददाता
शनिबार, ११ पुस २०७७, ११ : १९
लेखकबाट थप
सम्बन्धित समाचारहरु
प्रधानमन्त्री ओलीद्वारा राष्ट्रसङ्घको महासभामा भाग लिने विषयमा सदनलाई जानकारी
प्रधानमन्त्री ओलीले देउवालाई जन्मदिनको अवसरमा दोसल्ला ओढाएर दिए शुभकामना
नदी किनारबाट थप २० मिटर मापदण्डको फैसलामाथि सरकार छिट्टै भ्याकेटमा जान्छ : प्रधानमन्त्री ओली
इपिजीको प्रतिवेदन भारतले बुझ्नुपर्ने प्रधानमन्त्री ओलीको भनाई
मानव बेचबिखन तथा ओसारपसार जघन्य अपराध हो : प्रधानमन्त्री ओली
उपचुनावमा कसैसँग तालमेल हुँदैन: प्रधानमन्त्री ओली