विराटनगर । सप्तरीबाट बिरामी लिएर आएको एम्बुलेन्स सडकमा रोकिराखेको ट्रकमा ठोक्किँदा एकजनाको मृत्यु भएको छ । विराटनगर महानगरपालिकास्थित कोशी राजमार्गमा सप्तरीको तिलाठीबाट बिरामी लिएर आएको एम्बुलेन्स राति आज सोमबार बिहान सडकमा रोकिराखेको ट्रकमा ठोक्किँदा दुर्घटनामा भएको हो ।
एम्बुलेन्समा सवार बिरामी तिलाठी कोइलाडीका ६५ वर्षीय नुनुलाल मण्डलको उपचारको क्रममा नोबेल अस्पतालमा मृत्यु भएको जिल्ला प्रहरी कार्यालय मोरङले जनाएको छ । मोरङ प्रहरी प्रमुख सन्तोष खड्काका अनुसार सप्तरीबाट विरामी लिएर आएको स १ च १९२२ नम्बर एम्बुलेन्स एनएल ०१ एल ०३३६ नम्बरको भारतीय ट्रकमा ठोक्किन पुगेको थियो ।
घटनामा बिरामी लिएर आएका आफन्त रामसुन्दर मण्डल, भोलीदेवी मण्डल र जितेन्द्र मण्डल घाइते भएका छन् । उनीहरुको पनि नोबेल अस्पतालमा उपचार भइरहेको छ । ट्रक र एम्बुलेन्सका चालक दुवै बेपत्ता भएका छन् ।
प्रतिक्रिया दिनुहोस
सफल खबर संवाददाता
सोमबार, १५ मंसिर २०७७, १० : ०३
लेखकबाट थप
सम्बन्धित समाचारहरु
बाराको उनासी पुलमा बस पल्टियो, ४३ यात्रु घाईते
त्रिशूली नदी किनारमा भेटिएको ट्रकको दुर्घटना शंकास्पद छ: प्रहरी
बैतडीमा जिप दुर्घटना हुँदा युवतीको मृत्यु, ४ जना घाइते
मोटरसाइकल दुर्घटना हुँदा चालकको मृत्यु
मोटरसाइकल र स्कुटर दुर्घटना हुँदा दुई जनाको मृत्यु
पाल्पामा भारतीय कार दुर्घटना हुँदा चालकको मृत्यु