कोरोना भाइरसबाट बच्न र प्रतिरोधात्मक क्षमता बढाउन यि खानेकुरामा बढी जोड दिउ

काठमाडौं । चिनबाट देखा परेको कोरोना भाइरसको संक्रमणले संसारभरि महामारीको रुप लिएको छ । हजारौंको मृत्यु भएको छ भने लाखौं व्यक्तिमा यसको संक्रमण पाईएको छ । विश्व स्वास्थ्य संगठनले नेपाल पनि अति जोखिममा रहेको सार्वजनिक गरेपछि कोराना भाइरस भित्रन नदिन उच्च सतर्कता अपनाईएको छ । नेपालमा एक जनामा देखिएको संक्रमण निको भइसकेको छ ।

छिमेकी देश भारतमा १ सय ५ जना भन्दा धेरैमा कोरोना भाइरसको संक्रमण देखिएको छ । २ जनाको मृत्यु समेत भईसकेको छ । यस्तोमा चिकित्सकहरुले खानेकुरा के खाने, के नखाने ? भन्ने बारेमा विभिन्न सल्लाह दिएका छन् । कोरोनाको महामारीबाट बच्नका लागि आफ्नो रोगप्रतिरोधात्मक क्षमता बलियो बनाउँदै जानुपर्छ । त्यसैले विभिन्न यी खानेकुरा सेवनका लागि चिकित्सकको सल्लाह छ । चिनियाँ वैज्ञानिकहरुको अनुसन्धानमा कोरोना भाइरसको संक्रमण वृद्धवृद्धामा भएमा मृत्युदर धेरै हुन्छ । बुढाबुढी, बालबालिका र शारीरिकरुपमा कमजोर भएकाहरुलाई यो रोगको संक्रमण छिटो हुन्छ र मृत्युदर पनि बढी नै हुन्छ ।

त्यसैले एन्टीभाइरल फूडको सेवन गर्नुपर्छ । जसले हाम्रो रोगसँग लड्ने रोगप्रतिरोधात्मक क्षमता बलियो बनाउँछ र भाइरसको संक्रमण रोक्न सुरक्षा प्रदान गर्छ ।

नरिवलको तेल
चिकित्सकहरुले घरमा खाना बनाउने समयमा अन्य रिफाइण्ड भन्दा पनि नरिवलको तेलको प्रयोग गर्न सल्लाह दिएका छन् । यसमा लान्रिक एसिड र क्याप्रिलिक एसिड पाइन्छ । जसले हाम्रो इम्युनिटी प्रणालीलाई बलियो बनाउँछ ।
भिटामिन सीएण्टीअक्सिडेन्टले भरिपूर्ण भिटामिन सीले पनि इम्युन सिस्टमलाई बलियो बनाएर भाइरसबाट बचाउँछ । त्यसैले तपाइँले आफ्नो दैनिक खानेकुरामा अमला, सिमला, सुन्तला, अम्बा, मेवा, किवी, भुटुकलगायतका फलफूल खानुपर्छ ।

अमिलो फल
अंगुर, काफल, किम्बु, ऐँसेलु, स्टेबेरी, डार्क चकलेटलगायतका खानेकुराले पनि भाइरसबाट बचाउँछन् । यी फलफूलले परावैजनी किरण र फङ्गल इन्फेक्सनमात्र होइन, विभिन्न प्रकारका भाइरसबाट हाम्रो शरीरलाई सुरक्षा दिन्छन् ।

स्टार सौफ
स्टार सौँफलाई पनि एन्टीभाइरल खानेकुरामा लिने गरिन्छ । तर नेपाल जस्ता देशमा यो सजिलै फाउन मुस्किल पर्छ । यसमा शिकिमक एसिड पाइन्छ । जसले भाइरल इन्फुएलन्जालगायतका भाइरसलाईसमेत नियन्त्रण गर्छ ।

अदुवा
अदुवा पनि एन्टीभाइरल खानेकुरा हो । यसलाई नेपालमा सजिलै पाउन सकिन्छ । त्यसैले खानेकुरा र पिउनेकुरामा यसको प्रयोग गर्नुस् । दिनमा तीन चार पटक अदुवाको सेवनले इम्युन सिस्टम बलियो हुन्छ ।

तुलसी
गाउँघरमा सजिलै पाउने तुलसीको प्रयोग पनि एन्टीभाइरलको रुपमा गरिन्छ । यसमा म्युनिटी पावर बढाउने तत्व धेरै हुन्छ । त्यसैले बिहान एक चच्चा तुलसीको धुलो लिँदा इम्युनिटी सिस्टम राम्रो हुन्छ । त्यसैले यसलाई रोगप्रतिरोधात्मक बुटीकारुपमा पनि लिने गरिन्छ ।

लसुन
लसुनलाई पनि एन्टीभाइरल खानेकुरा मानिन्छ । यसमा रोगप्रतिरोधात्मक क्षमता बढाउने तत्व भरपूर मात्रामा पाइन्छ । दैनिक एक चम्चा लसुनको पेष्ट सेवनले रोगबाट बचाउन सहयोग गर्छ ।

कागती
कागतीमा पनि भिटामिन सी भरपूर मात्रामा पाइन्छ । यसमा पाइने एन्टीअक्सिडेन्टले हाम्रो रोगप्रतिरोधात्मक क्षमता बढाउन सहयोग पुग्छ ।

ग्रिन टी
ग्रिन टीमा पनि एन्टीअक्सिटेन्ट तत्व पाइन्छ । यसको सेवनले एन्टीभाइरलको काम गर्छ । त्यसैले खाना आसपासको समयमा ग्री(नटीको प्रयोग गर्नुपर्छ । यो खाली पेटमा भने खानु हुँदैन ।

के नखाने त ?

कोरोना भाइरसको कुरा मात्र होइन् अन्य भाइरलहरुमा पनि विभिन्न खानेकुराले भाइरसलाई नै सहयोग गरिरहेका हुन्छन् । चिकित्सकहरुले विभिन्न खानेकुरा नखान सुझाव दिएका छन् । काँचो मासु, मासुजन्य अन्य परिकार, काँचो अण्डा खानु हुँदैन ।यस्ता खानेकुराहरु राम्रोसँग पकाएर मात्र खानुपर्छ । 

सामान्य बजारमा पाइने हरिया सागसब्जी पनि काँचो खानु हुँदैन । हरियो सागसब्जी राम्रोसँग धोएरमात्र पकाउनुपर्छ । हरियो सागहरुको प्रयोगले स्वास्थ्यले फाइदा हुन्छ । तर हापबोइल हुनेकुराहरु खानु हुँदैन । सकभर राम्रोसँग पकाएर मात्र खानुपर्छ ।  (एजेन्सी)