संविधान संशोधन गर्न माधवकुमार नेपालको संयोजकत्वमा कार्यदल गठन

काठमाडौं । संविधान संशोधनको लागि गृहकार्य गर्न नेकपाले नेता माधवकुमार नेपालको संयोजकत्वमा कार्यदल गठन गरेको छ ।  वरिष्ठ नेता माधवकुमार नेपालको संयोजकत्वमा बनेको कार्यदलमा पूर्वसभामुख सुवास नेम्वाङ र नेता खिमलाल देवकोटा छन् ।

यो कार्यदलले उपाध्यक्ष बामदेव गौतमको मागअनुसार राष्ट्रियसभा सदस्य पनि प्रधानमन्त्री हुन पाउने गरी संविधान संशोधन गर्न गृहकार्य बनाइएको हो । 

नेकपाले राष्ट्रपतिबाट मनोनित गरेर गौतमलाई राष्ट्रियसभा सदस्य बनाउन चाहेको छ । तर गौतमले भने राष्ट्रियसभा सदस्य पनि प्रधानमन्त्री हुन पाउने गरी संविधान संशोधन गर्नुपर्ने शर्त राख्दै आएका थिए ।