काठमाडौं । नेपाल चलचित्र ‘लक्का जवान’ मा समावेश गरिएको लोकशैलीको गीत सार्वजनिक गरिएको छ । चैत्र २१ गतेदेखि यो चलचित्र प्रदर्शनमा आउन लागेको छ ।
‘मुसुक्कै हाँस न माया’ बोलको लोकशैलीको गीतमा दिलिप रायमाझी, प्रियंका कार्की, सलोन बस्नेत, वर्षा शिवाकोटीले धमाका नृत्य गरेका छन् । बाबुल गिरीको शब्द, संगीत र एरेन्ज रहेको यो गीतले दर्शकलाई फुरुङ्ग पारेको छ । यस्तै गीतमा बाबुल र जुनु रिजाल काफ्लेको स्वर पनि सुन्न सकिन्छ ।
गीतमा प्रियंका र दिलिपको जोडी खुब सुवाएको छ । वर्षा र सलोनले कम्मर भाच्दा दर्शक रमाएका छन् । गीतका शब्दमा प्रेमको भाव प्रस्तुत गरिएको छ ।
फिल्मलाई शिवहरि पौडेलले निर्देशन गरेका हुन् । यस्तै फिल्ममा कथा, पटकथा र संवाद पनि निर्देशक पौडेलको रहेको छ ।
प्रतिक्रिया दिनुहोस