कन्सल्टेन्सीको नाममा साढे १० लाख ठगी

काठमाडौँ । कन्सल्टेन्सीको नाममा साढे १० लाख ठगी गरेको अभियोगमा प्रहरीले एक जनालाई पक्राउ गरेको छ । 

धादिङको कटुन्जे–९ घर भई हाल ललितपुर बस्ने  ४२ वर्षीय सुमन भनिने मान बहादुर गुरुङलाई महानगरीय अपराध महाशाखाको टोलीले पक्राउ गरेको हो । 

रेहाना एजुकेसन कन्सल्टेन्सी संचालक भन्दै उनले विदेश पठाइदिने नाममा साढे १० लाख  ठगी गरेको उजुरी म्याग्दीको मालिका ५ का हुमलाल गुरुङले उजुरी दिएका थिए । 

सो उजुरीपछि महाशाखाबाट खटिएको सादा पोशाकको प्रहरी टोलीले उनलाई राजधानीको डिल्लीबजारबाट पक्राउ गरेको हो ।