ललितपुरको प्रहरी हिरासतबाटै तीन थुनुवा फरार

काठमाडौं । प्रहरी हिरासतबाटै तीन थुनुवा बन्दी फरार भएका छन् । त्यो पनि काठमाडौं उपत्यकाभित्र रहेको ललितपुर भैसेपाटीस्थित प्रहरी हिरासतबाट । महानगरीय प्रहरी प्रभाग भैसेपाटीको हिरासतमा रहेका तीन थुनुवा वन्दीले गएराती हिरासतकक्षमा रहेको ग्रील उप्काएर भागेका हुन् ।

फरार मध्येका दुई जना डाँका मुद्धाका र एक जना लागुऔषध मुद्धाका आरोपी थिए । जावलाखेल प्रहरी कार्यालयमा ठाँउ अभावका कारण उनीहरुलाई भैसेपाटीको प्रहरी हिरासतमा राख्न लगिएको थियो । ललितपुर प्रहरी प्रमुख रविन्द्र धानुकले घटनाको पुष्टि गरेका छन् । ‘तीन जना थुनुवा वन्दी हिरासतको झ्यालमा रहेको ग्रील उप्काएर भागेका छन्, फरार अभियुक्तको खोजी कार्य तिव्र बनाईएको छ,’ धानुकले भने ।