काठमाडौं । डा. बाबुराम भट्टराईको साथमा रहेका तत्कालिन नयाँ शक्ति पार्टी नेपालका नेता एवं पूर्वमन्त्री कल्पना धमला, देवेन्द्र पराजुली र मनु हुमागाईंसहित २० भन्दा बढी नेता–कार्यकर्ता नेकपा प्रवेश गर्ने भएका छन् ।
बिहीबार नेकपा मुख्यालय धुम्बाराहीमा अध्यक्ष पुष्पकमल दाहाल ‘प्रचण्ड’ले पार्टी प्रवेश गराउने नेकपाले जनाएको छ ।
“हामी नेकपा प्रवेश गर्ने पक्कापक्की भएको छ, बाँकी कुरा पार्टी प्रवेशपछि खुलस्त पार्नेछौँ,” देवेन्द्र पराजुलीले भने ।
धमला तत्कालिन नयाँ शक्ति पार्टीकी केन्द्रीय महिला संगठनकी अध्यक्ष थिइन् । साथै उनी डा. बाबुराम भट्टराईको क्याबिनेटकी विज्ञान तथा प्रविधिमन्त्री थिइन् ।
नयाँ शक्ति र संघीय समाजवादी पार्टीबीच सम्मानजनक एकता नभएको भन्दै उनीहरू समाजवादी पार्टीमा गएका थिएनन् ।
प्रतिक्रिया दिनुहोस
सफल खबर संवाददाता
बुधबार, १८ असार २०७६, १५ : ३३
लेखकबाट थप