दक्षिण कोरियामा आगलागी, ४० भन्दा बढीको मृत्यु

दक्षिण कोरियाको एउटा अस्पतालमा भएको आगलागीमा ४० जना भन्दा बढीको मृत्यु भएको छ । सो आगलागीमा अन्य दर्जनौं घाइते भएका छन् ।

देशको दक्षिण पूर्वी क्षेत्रमा रहेको मिलयङस्थित भवनको एउटा आपतकालीन कक्षबाट शुरु भएको सो आगो निभाउन अग्नी नियन्त्रकहरूले कैयौं घण्टा लागेको थियो । आगलागीको समयमा उक्त अस्पतालमा झण्डै दुई मानिसहरू रहेको ठानिएको छ।

उद्धार
धैरै जना वृद्ध नागरिकहरू त्यसबेला नर्सिङ सेवा उपलब्ध गराउने संगैको अर्को भवनमा थिए । दक्षिण कोरियाका राष्ट्रपति मुन जे इनले सरकारको तत्कालको प्रतिक्रियाबारे एउटा आपतकालीन बैठक आह्वान गरेका थिए ।

उनले उद्धार तथा खोजमा सम्पूर्ण श्रोत साधन प्रयोग गरेर जीवन रक्षा गर्न निर्देशन दिए । यो दक्षिण कोरियामा एक महिना भन्दा अलि बढी समयको अन्तरालमा भएको दोस्रो ठूलो आगलागीको घटना हो । डिसेम्बरमा एउटा 'फिटनेश सेन्टर'मा आगलागी हुँदा २९ जनाको ज्यान गएको थियो । (बीबीसी)