काठमाडौं । माहालक्ष्मी विकास बैंक लिमिटेडले रक्तदान कार्यक्रम सम्पन्न गरेको छ । काठमाडौंस्थित बैंकको न्यूरोड शाखाले दिनपिपलबोट, भूगोल पार्क, काठमाडौँमा मंगलबार कार्यक्रम आयोजना गरी सम्पन्न गरेको हो । बिहान १० बजेदेखि दिउसो ३ बजेसम्म सञ्चालन गरिएको उक्त कार्यक्रममा ७३ जनाले रक्तदान गरेका छन् ।
कार्यक्रममा बैंकका प्रमुख कार्यकारी अधिकृत कृष्णराज लामिछानेले सहभागीहरुको उपस्थितिप्रति कृतज्ञता व्यक्त गर्दै रक्तदाताहरुलाई प्रमाणपत्र वितरण गर्नु भएको थियो ।
यस बैंकले संस्थागत सामाजिक उत्तरदायित्वअन्तर्गत विभिन्न शाखाहरुबाट विभिन्न कार्यक्रमहरु गर्र्दै आइरहेको छ । सोही कार्यलाई निरन्तरता दिँदै आज रक्तदान कार्यक्रम आयोजना गरिएको बैंकले जनाएको छ । बैंकले आगामी दिनहरुमा पनि स्थानीय हितका लागि अझ प्रभावकारी कार्यहरु गर्ने प्रतिबद्धता जनाएको छ ।
प्रतिक्रिया दिनुहोस
सफल खबर संवाददाता
मंगलबार, २४ बैशाख २०७६, १७ : ५२
लेखकबाट थप