मानवीय र सामाजिक सेवाले समाजमा समृद्धि

चितवन l नेपाल रेडक्रस सोसाईटी उपशाखा कृष्णपुरको १२ औं साधारण सभा सम्पन्न भएको छ ।

कार्यक्रममा प्रमुख अतिथी एवंम नेपाल रेडक्रस सोसाईटी चितवनका जिल्ला अध्यक्ष ज्ञानशाली न्यौपानेको मानवीय र सामाजिक सेवाका लागि निस्वार्थ रुपले सबैभन्दा अग्रपंक्तिमा उभिने भावना विकास गरेमा समाज समृद्ध हुने बनाउनु भयो । त्यसैगरी वडा नम्बर ७ का वडा अध्यक्ष राजन्द्र काफ्लेले रेडक्रसले मानविय कार्यहरुमा निकै सहयोग गरेको भन्दै वडा सहकार्य गरेर सामाजिक काम गर्न तयार रहेको बताउनु भयो ।

कार्यक्रममा सचिव कृष्णप्रसाद ढकालले सचिवको प्रतिवेदन, कोषाध्यक्ष रामराज पौडेलले आर्थिक प्रतिवेदन प्रस्तुत गर्नु भएको थियो । उपाध्यक्ष विष्णु अधिकारीले स्वागत मन्तव्य व्यक्त गर्नु भएको कार्यक्रममा नेपाल रेडक्रस सोसाईटी उपशाखा कृष्णपुरका अध्यक्ष गंगाप्रसाद चापागाईको अध्यक्षता रहेको थियो ।