काठमाडौं । इन्डियन प्रिमियर लिग (आईपीएल)का दुई अस्थिर टोलीबीच भएको खेलमा कलकता नाइट राइडर्सले फराकिलो अन्तरले सन राइसजर्स हैदरवादलाई हराएको छ।
मुम्बई इइिडयन्ससँगको पछिल्लो खेलमा ब्याटिङ कमजोर भएपछि आलोचित बनेको कलकताले बिहीबार भएको खेलमा शानदार कमब्याक गर्दै हैदरावादलाई ८० रनले हराएको हो। २८६ रन प्रहार गर्दै आईपीएल २०२५ मा सनसनीपूर्ण सुरुवात गरेको हैदरावाद भने लगातार तेस्रो खेलमा पराजित भएको छ।
चार दिन अघि मुम्बईसँग ११६ रनमा समेटिएको कलकताले हैदरावादसँगको खेलमा ६ विकेटको क्षतिमा २०० रन जोडेको थियो। कलकताका लागि उपकप्तान बैंकटेस ऐयारले २९ बलमा ६० रन जोडे। रिकु सिंह अविजित रहँदै १७ बलमा ३२ रन प्रहार गर्न सफल भए। यी दुई जमेपछि कलकताले अन्तिम ५ ओभरमा ७८ रन प्रहार गरेको थियो। यसअघि कप्तान अजान्का रहजने र अंगरिस रघुवंशीले तेस्रो विकेटका लागि ८१ रनको साझेदारी गरेका थिए। रहानेले ३८ तथा रघुवंशीले ५० रन जोडे।
जवाफमा पहिलो १३ रनमा नै तीन विकेट गुमाएको हैदरावाद १२० रनमा समेटिएको हो। गत सिजनको उपविजेता २ अंकसहित तालिकाको पुछारमा छ भने साबिक विजेता कलकता ४ अंकसहित पाँचौँ स्थानमा पुगेको छ।
ट्रेभिस हेड लगातार दोस्रो खेलमा वैभव आरोहाको सामु सस्तोमा समेटिए। गत वर्षको आईपीएलको फाइनलमा पनि उनी सस्तैमा आउट भएका थिए। इसन किसन र अभिषेक शर्माले पनि २ रन भन्दा बढी जोड्न सकेनन्। शीर्षक्रमको खराव सुरुवातले गत सिजनको फाइनलको नै झझल्को दिएको थियो।
९ रनमा तीन विकेट गुमाएको हैदरावादका लागि हेन्रिक क्लासेनले २१ बलमा ३३, शून्य रनमा जीवनदान पाएका कामिन्डु मेन्डिसले २० बलमा २७ तथा नितिस कुमार रेड्डीले १९ रन जोडे। हैदरावादले १६.४ ओभरमा सम्पूर्ण विकेट गुमायो।
वैभव आरोहाले ४ ओभरमा २९ रन खर्चेर ३ तथा वरुण चक्रवर्तीले ४ ओभरमा २२ रन खर्चेर ३ विकेट लिए। आन्द्रे रसेल महँगो साबित हुँदै १.४ ओभरमा २ रन खर्चिँदै २ विकेट लिए।
प्रतिक्रिया दिनुहोस
सफल खबर संवाददाता
शुक्रबार, २२ चैत्र २०८१, ०७ : १०
लेखकबाट थप
सम्बन्धित समाचारहरु
आईपीएल: जस बटलरको विस्फोटक ब्याटिङमा गुजरातको जित
जसले आईपीएल डेब्यु खेलमै लिए चार विकेट
आईपीएल : मुम्बईको दोस्रो हार, गुजरात ३६ रनले विजयी
आईपीएल: रोयल च्यालेन्जर्स बेंगलुरुले चेन्नई सुपर किंग्सलाई हरायो
आईपीएल : सनराइजर्सको आक्रामक ब्याटिङ लाइन नचल्दा लखनउको शानदार जित
आईपीएल : डि ककको शानदार ब्याटिङमा राजस्थानविरुद्ध कोलकाता आठ विकेटले विजयी