पूर्व जापानी प्रधानमन्त्रीलाई मार्न खोज्ने पुरुषलाई १० वर्ष जेल

टोकियो । जापानमा पूर्वप्रधानमन्त्री फुमिओ किशिदालाई मार्ने प्रयास गर्ने एक पुरुषलाई १० वर्षको जेल सजाय सुनाइएको छ । २५ वर्षका रयुजी किमुराले किशिदामाथि एउटा पाइप बम फ्याकेका थिए । वाकायामा शहरमा चुनावी कार्यक्रममा भाषण दिने क्रममा भिडमाझ जाँदै गरेको समयमा किशिदामाथि बम उनले फ्याकेका थिए । यस घटनामा उनलाई कुनै क्षति भएन ।

तर यसका कारण एक जना प्रहरी अधिकारी र भीड रहेका अर्का एक जना घाइते भएका थिए । उक्त बम घरमा बनाइएको थियो । चुनावी अभियानकै क्रममा पूर्व प्रधानमन्त्री सिञ्जो आबेलाई गोली हानेर हत्या गरिएको एक वर्षभन्दा कम समयमा यो घटना हुँदा जापानीहरू त्रस्त बनेका थिए ।

बुधबार किमुरालाई उक्त सजाय सुनाइएको हो । आफ्नो उद्देश्य किशिदालाई मार्नु नभएको उनको किमुराको दाबी थियो । आफ्नो ध्येय २०२२ मा आफूले दर्ता गरेको देवयानी मुद्दामा ध्यान खिच्नु भएको उनले बताएका थिए । उनले दायर गरेको मुद्दा आरेज गरिएको थियो ।

किमुराले हानेको बमले कसैलाई घाउ चोट गराउँछ भन्ने उनले सोच्दै नसोचेकोले उनीमाथि हत्या गर्ने प्रयास गरेको अभियोग चलाउनु नहुनु उनका वकिलको दलिल थियो । उनले बनाएको विष्फोटक पदार्थ कसैको मृत्यु गराउने सक्ने गरी शक्तिशाली भएको अदालतले बताएको थियो ।

देशको विष्फोटक नियमन तथा हतियार नियन्त्रण कानून उल्लंघनको मामिलामा पनि किमुरा   दोषी ठहर भएका छन् । उनलाई दिइएको १० वर्षको जेल सजाय अभियोजकहरूले चाहेको भन्दा ५ वर्ष कम हो ।