एलिट कप सुरु, मधेश र आर्मीले पहिला ब्याटिङ गर्दै

काठमाडौं । नेपाल क्रीकेट संघ क्यानको आयोजनामा जनकपुर र पर्सामा जय ट्रफी पुरुष एलिट कप बहुदिवसीय क्रीकेट सुरु भएको छ । प्रतियोगिताको पहिलो दिन दुई खेल सुरु भएका छन् । जनकपुरमा बागमती प्रदेशविरुद्ध मधेश प्रदेशले टस जितेर पहिला ब्याटिङ गर्दैछ ।

बागमतीको कप्तानी सन्दीप लामिछाने र मधेशको कप्तानी हरिशंकर शाहले गरेका छन् । पर्सामा त्रिभुवन आर्मी क्लबविरुद्ध नेपाल पुलिस क्लबले पहिला फिल्डिङ गर्दैछ । पुलिसले टस जितेर पहिला फिल्डिङ गर्न लागेको हो ।

आर्मीको कप्तानी विनोद भण्डारी र पुलिसको कप्तानी आरिफ शेखले गरेका छन् । जय ट्रफीमा २०२४ को सुरुवातमा भएको प्रधानमन्त्री कप राष्ट्रिय एकदिवसीय क्रिकेट प्रतियोगिताको शीर्ष चार टोली नेपाल पुलिस क्लब, त्रिभुवन आर्मी क्लब, बागमती प्रदेश तथा मधेश प्रदेशले सहभागिता जनाएका छन् ।