राप्रपाको केन्द्रीय कार्यसम्पादन समितिको बैठक सुरु

काठमाडौँ । राष्ट्रिय प्रजातन्त्र पार्टी (राप्रपा)को केन्द्रीय कार्यसम्पादन समितिको बैठक सुरु भएको छ । पार्टी केन्द्रीय कार्यालय धुम्बाराहीमा बैठक अहिले जारी रहेको प्रवक्ता मोहन श्रेष्ठले बताए ।

अध्यक्ष राजेन्द्र लिङदेनको अध्यक्षतामा पुस ५ र ६ गते बसेको बैठकमा प्रस्तुत बाँकी एजेन्डाहरूमाथि छलफल गर्न आज पनि बैठक बसेको उनले बताए । यसअघि दुई दिन बसेको बैठकले स्थानीय तहको उपनिर्वाचनको समीक्षा, पार्टीको आगामी रणनीतिलगायत १० बुँदे निर्णय गरेको थियो ।