सिरहाको गोलबजारमा मध्यरातमा लुटपाट

सिरहा । सिरहाको गोलबजार नगरपालिका १ स्थित मुक्सार बैरीवानमा एक समूहले धनमाल लुटपाट गरेको छ । 

स्थानीय जागेश्वर रामको घरमा गएराति करिब १२ बजेको १२-१५ जनाको समूहमा आएका लुटेराहरुले नगद, सुन र चाँदीका गहनाहरु लुटेर लगेका हुन् । 

लुटेराहरुले जागेश्वरलाई कुटपीट समेत गरी नगद, सुन र चाँदीका गहना लुटेर लगेको स्थानीय शिक्षक सागर पूर्वेले जानकारी दिए । 

घटनालगत्तै मुक्सारमै रहेको प्रहरी चौकीमा फोन गरेपनि ४ घण्टा पछिमात्र प्रहरी आईपुगेको स्थानीयले बताए ।इलाका प्रहरी कार्यालय गोलबजारका इन्सपेक्टर सुनिल कार्कीले घटनाबारे अनुसन्धान भइरहेको जानकारी दिए ।