काठमाडौं। पाकिस्तानको संसद् यतिबेला ठूलो समस्याको सामना गरिरहेको छ । समस्या राजनीतिक होइन, संसद् भवनमा रहेका मुसाको हो ।
संसद्मा मुसाको चहलपहल बाक्लै छ । मुसाले पुराना अभिलेखहरू काटेका छन् । सन् २००८ मा भएको बैठकको अभिलेख हेर्न आधिकारिक समितिलाई सोध्दा समस्या बाहिर आएको हो । ती फाइलमध्ये धेरैलाई मुसाले काटिसकेको रहेछ ।
राष्ट्रिय सभाका प्रवक्ता जफर सुल्तानले बीबीसीलाई भने, 'यहाँ रहेका मुसाहरू यति ठूला छन् कि बिरालाहरू पनि डराउँछन् ।' समस्या यति बढेको छ कि हललाई मुसामुक्त गर्न वार्षिक १२ लाख पाकिस्तानी रुपैयाँ बजेट तोकिएको छ ।
धेरैजसो मुसा पहिलो तल्लामा रहेको बीबीसीको समाचारमा उल्लेख छ । सिनेटमा प्रतिपक्षी दलको नेताको कार्यालय मात्र नभई अधिकांश राजनीतिक दल र स्थायी समितिको बैठक पनि यहीँ बस्ने गरेको छ ।
यस क्षेत्रमा खाना हल पनि छ। दिउँसो संसद्मा सांसद उपस्थित हुँदा मुसा देखिँदैनन् । तर राति धेरै नोक्सान गर्छन् । राष्ट्रिय सभाका एक अधिकारीले भने, ‘साँझमा कोही नहुँदा मुसा म्याराथनजस्तै दौडिन्छन्, यहाँ काम गर्ने कर्मचारीलाई बानी परेका छन्, तर पहिलो पटक यहाँ कोही आउँदा उनीहरू डराउँछन् ।'
मुसा नियन्त्रणका लागि पाकिस्तानी पत्रपत्रिकामा विज्ञापन पनि जारी गरिएको छ । मुसा नियन्त्रणमा सहयोग पुग्ने किसिमको कीट नियन्त्रण कम्पनी खोज्ने प्रयास भइरहेको छ। हालसम्म दुई कम्पनीले मात्रै समस्या समाधान गर्न चासो देखाएको समाचारमा उल्लेख छ ।
प्रतिक्रिया दिनुहोस
सफल खबर संवाददाता
बुधबार, ०५ भदौ २०८१, ११ : २७
लेखकबाट थप
सम्बन्धित समाचारहरु
रेल बन्धक मुक्त गर्न पाकिस्तानको ‘पूर्ण-स्तर’ को अपरेसन सुरु
पाकिस्तान : यात्रुवाहक बसका ७ जनाको गोली हानी हत्या
पाकिस्तानको बलुचिस्तानमा १८ सैनिक र २३ विद्रोही मारिए
पाकिस्तानमा १४औं साग आयोजनाका लागि बैठक आह्वान
इमरान खानको रिहाइको माग गर्दै पाकिस्तानमा प्रदर्शन, १४ प्रहरी घाइते
पाकिस्तानका सोहेब मक्सुद जनकपुर बोल्ट्सबाट एलपीएल खेल्ने