अमेरिकाले भन्यो- शेख हसिनालाई हटाउनमा हाम्रो कुनै भूमिका छैन

एजेन्सी । अमेरिकाले बंगलादेशकी प्रधानमन्त्री शेख हसिनालाई हटाउनमा आफ्नो कुनै भूमिका नभएको स्पष्ट पारेको छ । अमेरिकाले हसिनालाई हटाउन अमेरिकाको भूमिका रहेको भन्ने कुरा ‘बिल्कुल गलत’ भएको जनाएको छ । 

बंगलादेशको राजनीतिक अवस्थाका लागि अमेरिकालाई जिम्मेवार ठहराउने प्रश्नमा ह्वाइट हाउसले ‘यसमा आफूहरूको कुनै संलग्नता नभएको' बताएको हो । यस्तो कुनै पनि रिपोर्ट वा अफवाह बिल्कुल गलत भएको ह्वाइट हाउसको ठहर छ । 

बंगलादेशका पूर्वप्रधानमन्त्री शेख हसिना र उनका छोरा साजिब वाजिद जोयले बंगलादेशमा विद्यार्थी आन्दोलनलाई केही अज्ञात विदेशी शक्तिहरूले समर्थन गरेको आरोप लगाएका थिए ।