बैतडी । बैतडीको पाटन नगरपालिका–३ का एक युवकको जापानमा मृत्यु भएको छ । पढाईको लागि करिब ३ महिनाअघि मात्रै जापान गएका पाटन नगरपालिका ३ का २१ वर्षीय जनक प्रशाद अवस्थीको मृत्यु भएको आफन्तले बताएका छन् ।
अध्ययनको सिलसिलामा जापानको नायोगामा बस्दै आएका अवस्थीको मंगलबार समुद्रमा नुहाउने क्रममा ज्यान गएको आफन्तले बताएका छन् । लाखौँ ऋण निकालेर अध्ययनसँगै रोजगारीको अवसरका लागि जापान पठाइएका जनकको परिवार छोराको निधनको खबरले बिक्षिप्त बनेको छ ।
अहिले उनको शव त्यहाको एक अस्पतालमा राखिएको छ । अवस्थीको मृत्युले सबैलाई दुःखी तुल्याएको अवस्थामा शव व्यवस्थापन लगायतका विषयमा पनि निकै समस्या भएको छ । विद्यार्थी भिषामा जापान होमिएका अवस्थीको शव अहिले त्यहाको अस्पतालले दैनिक ठूलो धनराशी शुल्क लाग्नेगरी शव गृहमा राखेको छ । करिब ३५ हजार दैनिक शुल्क लिनेगरी अवस्थीको शव राखेको छ ।
आर्थिक अभावसँगै अन्य प्रक्रियागत सवालमा त्यहा रहेका आफन्तलाई निकै समस्या भइरहेको बताइएको छ । केही विद्यार्थी सहकर्मी र आफन्तहरु अहिले अस्पतालमा भौतारिएका छन् । उनिहरुले त्यहास्थित गैह्र आवासीय नेपाली संघ लगायत सहयोगी निकायहरुसँग आवश्यक सहयोगको अपिल गरेका छन् ।
जोखिम बहन गर्ने किसिमको बिमाको समेत व्यवस्थान नभएपछि त्यहाको कलेजले पनि शुल्क मिनाहा गरी सहयोग गर्नुपर्ने आफन्तहरुको माग रहेको छ । त्यसका लागि नेपालस्थित राजदुतावास लगायत सरोकारवाला निकायसँग सहयोगको अपिल पनि गरिएको छ ।
प्रतिक्रिया दिनुहोस
सफल खबर संवाददाता
बुधबार, ०९ साउन २०८१, १५ : ४९
लेखकबाट थप
सम्बन्धित समाचारहरु
रौतहटस्थित बागमती नदीमा युवकको शव फेला
धारिलो हतियार प्रहारबाट पश्चिम नवलपरासीमा युवकको हत्या
धनुषामा रेलको लिकमा परेरका एक युवक गम्भीर घाइते
दाङमा बाढीमा बेपत्ता भएका युवक मृतावस्थामा फेला
पौडी खेल्ने क्रममा डुबेर एक युवकको मृत्यु
केजरीवाललाई पिट्ने धम्कीसहितको म्यासेज लेख्ने युवक पक्राउ