पहिरो खसेपछि मुग्लिन-काठमाडौँ सडक अवरुद्ध

काठमाडौ । चितवनको फिस्लिङमा पहिरो जाँदा मुग्लिन काठमाडौँ सडक अवरुद्ध भएको छ।

सोमबार बिहान पौने पाँच बजे चितवनको इच्छाकामना- ६ फिस्लिङ भन्ने ठाउँमा लेदोसहितको पहिरो खस्दा दुईतर्फी नै सडक अवरुद्ध भएको इलाका प्रहरी कार्यालय मुग्लिनकी इन्सपेक्टर निरला भण्डारीले जानकारी दिइन्। 

उनले भनिन-‘केहीबेरअघिबाट एउटा जेसीभी प्रयोग गरेर सडकको लेदो हटाउन थालिएको र पहिरो हटाउन लोडर पनि मगाएका छौँ ।' उनका अनुसार सम्पूर्ण पहिरो हटाएर सडकमा यातायात सञ्चालन गर्न अझै केही समय लाग्नेछ ।