सातामा प्रतितोला २३ सय रुपैयाँले बढ्यो सुनको मूल्य

काठमाडौँ । यो साता स्थानीय बजारमा सुनको मूल्य प्रतितोला २३ सय रुपैयाँ बढेर कारोबार रोकिएको छ । नेपाल सुनचाँदी व्यवसायी महासंघका अनुसार गत साताको शुक्रबारको तुलनामा २३ सय रुपैयाँले बढेको हो ।

महासंघका अनुसार गत साताको शुक्रबार १ लाख ४४ हजार ४०० रुपैयाँ र तेजाबी सुनको मूल्य तोलामा १ लाख ४३ हजार ७०० रुपैयाँ थियो । जुन, यो साताको शुक्रबारसम्म आइपुग्दा २३ सय रुपैयाँले बढेको हो ।

यो साताको शुक्रबार छापावाल सुनको मूल्य तोलामा १ लाख ४६ हजार ७०० रुपैयाँ र तेजाबी सुनको मूल्य तोलामा १ लाख ४६ हजार रुपैयाँ कायम छ । यो नेपाली बजारमा अहिलेसम्मकै उच्च मूल्य हो ।

यस्तै यो साता चाँदीको मूल्य तोलामा ३० रुपैयाँ बढेको छ । गत साताको शुक्रबार चाँदीको मूल्य तोलामा १८ सय ७० रुपैयाँ थियो । जुन, यो साता चाँदीको मूल्य तोलामा १९ सय रुपैयाँ कायम छ ।