काठमाडौँ । रिलायन्स स्पिनिङ मिल्सले वैदेशिक रोजगारीमा गएकालाई असार २७ देखि साधारण सेयर (आईपीओ) बिक्री खुलाउने भएको छ । बुक विल्डिङमार्फत बिक्री खुलाइने आईपीओको मूल्य प्रतिकित्ता ८२०.८० रुपैयाँ पर्नेछ । रिलायन्स स्पिनिङ मिल्स उत्पादनमूलक उद्योगकारुपमा विराटनगरमा धागो उत्पादन गरिरहेको उद्योग हो ।
धितोपत्र बोर्डले लामो समयदेखि आईपीओ बिक्रीको अनुमतिमा रहेको रिलायन्सको प्रक्रिया स्वीकृत गरेपछि यही असारदेखि बिक्री खुल्ने भएको हो । सर्वसाधारण र संस्थागत लगानीकर्ताका लागि कम्पनीले सेयर बिक्री गर्नेछ । त्यसअघि नेपाल सरकारबाट स्वीकृति लिएर वैदेशिक रोजगारीमा गएकालाई बिक्री गर्न लागेको हो ।
सेयर निष्कासन तथा बिक्री प्रबन्धकमा ग्लोबल आईएमई क्यापिटल रहेको छ । उद्योगले वैदेशिक रोजगारीमा रहेकाहरूलाई प्रतिकित्ता ८२०.८० रुपैयाँ पर्ने १ लाख १५ हजार ५९६ कित्ता सेयर बिक्री गर्नेछ । यो कूल बिक्री हुन लागेको सेयरको १० प्रतिशत हो । कम्पनीले सर्वसाधारणका लागि कूल ११ लाख ५५ हजार ९६० कित्ता सेयर बिक्री खुलाउनेछ ।
लगानीकर्ताले रिलायन्सको आईपीओमा न्यूनतम ५० कित्ताका लागि आवेदन दिनुपर्नेछ । उद्योगले विराटनगरमा धागो उत्पादन तथा प्रशोधन गर्दै स्वदेशी तथा विदेशी बजारमा बिक्री गर्दै आइरहेको छ । जसमा सबैभन्दा धेरै हिस्सा विदेशी बजारलाई ओगट्छ । रिलायन्सबाट उत्पादित धागो मुख्यगरी भारत र टर्की लगायतका देशमा जान्छ । लगानीकर्ताले आईपीओमा साउन १० गतेसम्म आवेदन दिन पाउनेछन् ।
प्रतिक्रिया दिनुहोस
सफल खबर संवाददाता
बुधबार, १९ असार २०८१, १० : ४५
लेखकबाट थप
सम्बन्धित समाचारहरु
रिलायन्स स्पिनिङको आईपीओ असार २७ देखि खुल्ने
सर्वोत्तम सिमेन्टको आईपीओ बाँडफाँट
शुक्रबार बाँडफाँट हुँदै सर्वोत्तमको आइपिओ
सर्वोत्तम सिमेन्टको आईपीओ बिक्री खुला
निलगिरी खोला हाइड्रोपावरले आईपीओ निष्कासन गर्ने
‘बुक बिल्डिङ’मा खुल्यो रिलायन्स स्पिनिङ मिल्सको आईपीओ