चार्जिङ स्टेसन बनाउन कोशी प्रदेशले छुट्यायो ३ करोड बजेट

काठमाडौं । विद्युतीय सवारी प्रयोगलाई प्रोत्साहन गर्न कोशी प्रदेश सरकारले समग्र प्रदेशमा चार्जिङ स्टेसन निर्माण प्राथमिकता कार्यक्रम ल्याएको छ । आगामी आर्थिक वर्ष २०८१/८२ को बजेटमार्फत प्रदेशको सवारी ऊर्जा पेट्रोलियम पदार्थको खपत कम गर्ने र विद्युतीय सवारीको प्रयोग प्रोत्साहन गर्ने भन्दै सरकारले वृहत् चार्जिङ स्टेसन निर्माण कार्यक्रम ल्याएको हो ।

आर्थिक वर्षको बजेट सार्वजनिक गर्दै प्रदेशका आर्थिक तथा योजना मन्त्री रामबहादुर मगरले चार्जिङ स्टेसन निर्माणका लागि ३ करोड रुपैयाँ बजेट विनियोजन गरेको जानकारी दिए ।