काठमाडौँ । मङ्गलवार नेपाल स्टक एक्सचेन्ज (नेप्से) ३३.१५ अङ्कले बढेको छ । बजार खुलेदेखि नै उत्साहजनकरुपमा बढ्ने गति लिएको नेप्से परिसूचक अन्तिम समयसम्ममा १.५९ प्रतिशतले बढ्दै २११५.२४ बिन्दुमा पुगेर रोकिएको हो ।
यसअघि लगातार तेस्रो दिन घटेपछि सोमबार परिसूचक ८.९० अङ्कले बढेको थियो । त्यसअघि यो साताको आइतबार र गत साताको बुधबार र बिहीबार नेप्से परिसूचक घटेको थियो । विगत लामो समयदेखि बढ्ने कोसिस गरे पनि अन्तिम समयमा ‘सेल प्रेसर’ आउँदा परिसूचक बढ्न सकेको थिएन ।
मङ्गलवार भने २०३ वटा कम्पनीको सेयर मूल्य बढेको छ भने ४१ वटा कम्पनीको मूल्य घटेको छ । यस्तै २ वटा कम्पनीको मूल्य भने स्थिर कायम छन् । परिसूचक उत्साहजनकरुपमा बढ्दा ५ अर्ब ५५ करोड ५३ लाख रुपैयाँभन्दा बढीको १ करोड १२ लाख कित्ता सेयर किनबेच भएको छ ।
आज वरुण हाइड्रोपावर, ग्रिन भेञ्चर, कुथेली बुखारी स्मल हाइड्रोपावर र भगवती हाइड्रोपावर डेभलपमेन्टको सेयर मूल्य १० प्रतिशतले बढेको छ । यसबाहेक अप्पर हेवाखोला हाइड्रोपावर र एनआरएन इन्फ्रास्ट्रक्चर एण्ड डेभलपमेन्टको सेयर मूल्य ९ प्रतिशतभन्दा बढीले बढेको छ ।
आज कारोबार भएका सबै समूहमा सुधार आएको छ । १३ वटा समूहमध्ये जीवन बिमा समूहमा २४१ अङ्कको वृद्धि आएको छ । यस्तै निर्जीवन बिमा समूहमा २३३ अङ्क, जलविद्युत समूहमा ६६ अङ्क र व्यापार समूहमा ६२ अङ्कको वृद्धि आएको छ । यसबाहेक विकास बैङ्क समूह ५७ अङ्कले बढ्दा लघुवित्त ४८ र वित्त समूह ४६ अङ्कले बढेको छ । यसबाहेक अन्य समूहमा समेत सुधार आएको छ ।
आज एनआरएन इन्फ्रास्ट्रक्चर, माउन्टेन इनर्जी र ग्लोबल आईएमई लघुवित्तको सेयर सबैभन्दा धेरै कारोबार भएको छ । यस्तै आज ३११ वटा कम्पनीको सेयर ७४ हजार ८७७ पटक किनबेच भएको नेप्सेले जनाएको छ । आजसहित पछिल्लो तीन दिन लगातार नेप्सेमा ५ अर्ब रुपैयाँभन्दा बढीको कारोबार भएको छ ।
यसअघि हिजो सोमबार र आइतबार समेत नेप्सेमा एकै दिन ५ अर्ब रुपैयाँभन्दा बढीको कारोबार भएको छ । त्यस अघिसम्म दैनिक ३ देखि ४ अर्ब रुपैयाँ आसपास सेयर कारोबार भइरहेको थियो ।
प्रतिक्रिया दिनुहोस
सफल खबर संवाददाता
मंगलबार, २९ जेठ २०८१, १५ : ५४
लेखकबाट थप
सम्बन्धित समाचारहरु
नेप्से परिसूचक ७९.८८ अंकले घट्यो
नेप्से सूचक ८.१८ अंकले घट्यो, कारोबारमा पनि गिरावट
प्रि ओपन सेसनमा नेप्से सूचक बढ्यो
३५.५५ अङ्कले बढ्यो नेप्से, १७ अर्बभन्दा बढीको कारोबार
प्रि ओपन सेसनमा नेप्से सूचक बढ्यो
नेप्से ६१ अंकले बढ्यो, १५ अर्ब बढीको कारोबार