वीरगन्ज । मधेस प्रदेशका मुख्यमन्त्री सरोजकुमार यादव अन्तिम समयमा आएर विश्वासको मत लिन तयार भएका छन् । विश्वासको मतसम्बन्धीको कार्यसूची सार्ने प्रस्ताव सभामुखको कार्यालयले अस्वीकार गरेपछि मुख्यमन्त्री यादवले विश्वासको मत लिने निर्णय गरेको स्रोतले जानकारी दिएको छ ।
मुख्यमन्त्री यादवले आफूनिकट दलहरुसँग गरेको परामर्शपछि विश्वासको मत लिन तयार भएको कांग्रेसका प्रदेश सांसद श्याम पटेलले जानकारी दिए । सांसद पटेलका अनुसार चार दलका सांसदहरुले विश्वासको मत लिन सुझाएपछि मुख्यमन्त्री यादवले सदनबाट विश्वासको मत लिन लागेका हुन् ।
विश्वासको मत पाउने सम्भावना न्यून भएपछि मुख्यमन्त्री यादवले सभामुखलाई बिरामी परेको भन्दै आज बिहान कार्यसूची सार्न निवेदन दिएका थिए । तर विपक्षी दल र सभामुखले उक्त प्रस्ताव अस्वीकार गरेका थिए । मुख्यमन्त्रीले विश्वासको मत सदनमा आउने बताएपछि सदन सुरु भएलगत्तै प्रक्रिया पूरा गरेर १० मिनेटका लागि सदनको बैठक स्थगित गरिएको प्रदेशसभा सचिवालयले जनाएको छ ।
जसपा, कांग्रेस, लोसपा र राप्रपाले संयुक्तरुपमा मुख्यमन्त्री यादवलाई विश्वासको मत दिने सहमति जनाएका छन् । सदनमा कांग्रेसका २२, जसपाको १९, लोसपाको ८ र राप्रपाको १ जना सांसद छन् । यो जोड्दा मुख्यमन्त्री यादवको समर्थनमा ५० जना सांसदको समर्थन रहने देखिन्छ, जुन सरकार निर्माण गर्न अपुग संख्या हो ।
प्रदेशसभामा १०७ जना सांसदहरु छन् । सरकार गठनका लागि ५४ जना प्रदेश सांसदहरुको समर्थन आवश्यक छ ।
प्रतिक्रिया दिनुहोस
सफल खबर संवाददाता
बुधबार, २३ जेठ २०८१, १६ : ३८
लेखकबाट थप
सम्बन्धित समाचारहरु
जमुनी सिँचाइ आयोजना अनुगमनमा मुख्यमन्त्री यादव
विश्वासको मत लिनका लागि मधेसका मुख्यमन्त्रीले थाले छलफल
मधेश प्रदेशका मुख्यमन्त्री यादवले आज विश्वासको मत लिँदै
संघीय सरकारमा केन्द्रीय शासन व्यवस्थाको मानसिकता कायमै छ : मुख्यमन्त्री यादव
मधेसका मुख्यमन्त्री यादवद्वारा भूकम्पबाट भएको क्षतिप्रति दुःख व्यक्त