काठमाडौं। नेपाली कांग्रेसका सांसद पदमबहादुर परियार र नेकपा माओवादी केन्द्रका कृष्णप्रसाद अधिकारीले अपाङ्गता भएका व्यक्तिलाई सहयोगी उपलब्ध गराउन माग गरेका छन् ।राष्ट्रिय सभाको आजको बैठकमा उनीहरूले अपाङ्गता भएका व्यक्तिको अधिकार सुनिश्चितताको माग गर्दै सहयोगी उपलब्ध गराउन माग गरेका हुन् ।
उनीहरूले काठमाडौंको शान्तिवाटिकामा ३६ दिनदेखि अनशनरत अपाङ्गता भएका दीपक भण्डारी बिरामी भएर अस्पतालमा भर्ना भएको सदनलाई जानकारी गराए ।
अपाङ्गता भएका व्यक्तिसम्बन्धी ऐन २०७४ लागू गर्नुपर्ने र तत्काल अपाङ्गता भएका व्यक्तिलाई आवश्यकताका आधारमा सहयोगीको उपलब्ध गराउनुपर्नेमा सांसद परियारले जोड दिए ।
सांसद अधिकारीले सहाराविहीन अपाङ्गता भएका व्यक्तिलाई सहयोगीको व्यवस्था गर्ने नियामावलीलाई यथाशीघ्र लागू गर्न सम्बन्धित मन्त्रालयलाई निर्देशन दिनुपर्ने बताए ।
प्रतिक्रिया दिनुहोस
सफल खबर संवाददाता
मंगलबार, २२ जेठ २०८१, १६ : ०८
लेखकबाट थप
सम्बन्धित समाचारहरु
संसद बैठक सांकेतिक भाषामा पनि प्रत्यक्ष प्रशारण गर्न सांसदको माग