आईपीएलको पहिलो क्वालिफायरमा कोलकाता र हैदराबाद भिड्दै

काठमाडौँ । भारतमा जारी इन्डियन प्रिमियर लिग आईपीएल टी–२० क्रिकेटको पहिलो क्वालिफायर खेल आज हुँदैछ ।

पहिलो क्वालिफायरमा कोलकाता नाइट राइडर्स र सनराइजर्स हैदराबाद भिड्दै छन् । खेल बेलुकी ७ः४५ बजेदेखि अहमदाबादमा हुँदैछ ।

लिग चरणमा शीर्ष दुईमा रहँदै कोलकाता र हैदराबादले पहिलो क्वालिफायर खेल्ने अवसर पाएका हुन् । 

कोलकाताले २० तथा हैदराबादले १७ अंक हासिल गरेको हो । १७ अंक नै भए पनि राजस्थान रोयल्समाथि रनरेटमा ०.१४१ ले अगाडि रहँदै हैदराबाद दोस्रो स्थानमा रहेको हो ।