काठमाडौँ । सिद्धबाबा सुरुङ खन्न दैनिक ६ घण्टा बन्द हुँदै आएको सिद्धार्थ राजमार्ग पूर्णरूपमा सञ्चालनमा आएको छ । सिद्धबाबा टनेल परियोजनाले शुक्रबार एक सूचना जारी गर्दै यसको जानकारी गराएको छ ।
सिद्धार्थ राजमार्गको सिद्धबाबा क्षेत्रमा १६ पुसदेखि दैनिक राति १० बजेदेखि बिहान ४ बजेसम्म राजमार्ग बन्द हुँदै आएको थियो ।सिद्धार्थ राजमार्गमा अहिले मुख्य टनेलसहित स्लोप प्रोटेक्सनको काम जारी छ ।
आयोजनाको पछिल्लो अपडेट अनुसार सिद्धबाबाको उत्तरतर्फबाट २१ मिटर र दक्षिणतर्फबाट ४५ मिटर सुरुङ खन्ने काम सम्पन्न भएको छ ।बाइपास टनेलतर्फ पहिलो १६ मिटर, दोस्रो ९।३ मिटर र तेस्रो ५.८ मिटर खनिएको छ ।
आयोजनाको यस महिनासम्मको कुल भौतिक प्रगति ११.१५ प्रतिशत पुगेको आयोजनाले जनाएको छ । वित्तीय प्रगति भने १७.५७ प्रतिशत रहेको छ ।
प्रतिक्रिया दिनुहोस
सफल खबर संवाददाता
शुक्रबार, ३० चैत्र २०८०, १४ : २३
लेखकबाट थप
सम्बन्धित समाचारहरु
सिद्धबाबा सुरुङ : आइतबारदेखि सवारी आवागमन रोकेर विस्फोट गराइने