काठमाडौँ । नेपाली काँग्रेसको संसदीय बोर्डले गृहमन्त्री रवि लामिछानेलाई संसदमा सफाइको मौका नदिने निर्णय गरेको छ । आज बसेको बोर्डको बैठकले संसद् बैठकमा गृहमन्त्री लामिछानेलाई रोष्टममा जानबाटै रोक्ने निर्णय गरेको हो ।
काँग्रेसले सहकारी ठगीसम्बन्धी विवादलाई लिएर गृहमन्त्रीमाथि संसदीय छानबिन समिति बनाउनुपर्ने अडान राख्दै आएको छ । यस विषयमा गृहमन्त्री लामिछानेले संसदमा जवाफ दिने कार्यसूची रहेको छ । तर, काँग्रेसले गृह मन्त्रीलाई बोल्न नदिने पार्टीका एक नेताले जानकारी दिए ।
यदि भोलिकै बैठकमा गृहमन्त्रीले बोल्ने कार्यसूची तय भएमा महामन्त्री विश्वप्रकाश शर्माले काँग्रेसको तर्फबाट भनाइ राख्ने र संसद् अवरुद्ध गर्ने तयारी गरिएको ती नेताको भनाई छ ।
आज बसेको बैठकमा इलाम-२ को उपचुनावमा उम्मेदवार चयन गर्ने विषयमा छलफल हुन सकेन । उम्मेदवार चयन गर्न भोलि २ बजे फेरि बोर्ड बैठक डाकिएको छ ।
प्रतिक्रिया दिनुहोस
सफल खबर संवाददाता
मंगलबार, २० चैत्र २०८०, १९ : १५
लेखकबाट थप
सम्बन्धित समाचारहरु
कांग्रेस संसदीय दलको बैठक सर्यो
आँखाले देख्नेभन्दा प्रवृत्तिगत भ्रष्टाचार खतरनाक हुन्छ : दिलेन्द्रप्रसाद बडू
ठूला दलबीच सहकार्य आवश्यक छ : रमेश लेखक
विश्वासको मत लिने कि नलिने भन्ने निर्णयको जिम्मा मुख्यमन्त्रीलाई
वर्तमान सरकारको आयु लामो छैन : डा. प्रकाशशरण महत
राजनीतिक दलहरू एकले अर्कालाई झुक्क्याएर सत्ता प्राप्ति गर्ने तर्फ केन्द्रित छन् : मीनेन्द्र रिजाल