फिल्म ‘चारदाम’ मंसिरमा रिलिज हुने

काठमाडौँ । लाखमान योन्जन तामाङ निर्देशित फिल्म हो ‘चारदाम’ । निर्माण युनिटले फिल्मको ४ पोस्टर सार्वजनिक गर्दै मङ्सिर रिलिजको घोषणा गरेको छ ।सार्वजनिक ४ पोस्टर फिल्म विषयवस्तु झल्काउने  र कलाकारले भरिएका छन् ।

फिल्म तामाङ जातीको लोपोन्मुख हुँदै गएको भाषा, लिपि, भेसभुसा, कला, संस्कार र संस्कृतिको संरक्षण तथा सम्वर्द्धन गर्ने उद्देश्यले निर्माण भएको हो । मोहन लोप्चन तामाङ प्रस्तुतकर्ता रहेको फिल्म कोशी भिजनको ब्यानरमा निर्माण भएको हो ।

भोजपुर र सुनसरीको विभिन्न स्थानमा छायाङ्कन गरिएको ‘चारदाम’मा सुकुमाया मोक्तान तामाङ, सुवास योन्जन तामाङ, शान्ति पाख्रिन, मदन राई, पूर्ण लिम्बू, मोहन लोप्चन, मेनुका राई, कुमारी लिम्बू, सुम्निमा तामाङ लगायत कलाकारहरूको अभिनय छ । फिल्ममा प्रेम कृष्ण बजगाईको संगीत, सुमन तामाङको छायाङ्कन र हेमन तामाङ सम्पादन छ ।