गुण्डा नाइके रिगललाई आममाफी दिएको विरोधमा युवा संघले प्रधानमन्त्रीलाई बुझायो ज्ञापनपत्र

नुवाकोट । राष्ट्रिय युवा संघ नेपाल, जिल्ला कमिटी नुवाकोटले हत्या अभियोगमा दोषी ठहरिएका योगराज ढकाल ‘रिगल’लाई आममाफी दिएको विरोधमा जिल्ला प्रशासन कार्यालयमार्फत प्रधानमन्त्री कार्यालयलाई ज्ञापनपत्र बुझाएको छ ।

जिल्ला कमिटी नुवाकोटले जिल्ला अध्यक्ष प्रज्वल सापकोटाको नेतृत्वमा आज जिल्ला प्रशासन कार्यालय नुवाकोट मार्फत प्रधानमन्त्री तथा मन्त्रिपरिषद्को कार्यालयलाई ज्ञापनपत्र बुझाएको हो ।

हत्या अभियोगमा दोषी ठहरिएर सवर्स्वसहित जन्मकैद सजाय पाएका कांग्रेस भातृसंगठन तरुण दलका नेता योगराज ढकाल ‘रिगलडलाई गठबन्धन सरकारको सिफारिसमा राष्ट्रपति रामचन्द्र पौडेलले आममाफी दिएको बिरोधमा ज्ञापनपत्र बुझाएको सापकोटाले बताए ।

दैनिक बढ्दै गएको अराजक गतिबिधी, मुल्यवृद्धिको पनि संघले ज्ञापन पत्र मार्फत बिरोध जनाएको कुरा राष्ट्रीय युवा संघ नेपालका केन्द्रिय सदस्य सुरेश भण्डारीले बताए । युवा संघका जिल्ला उपसचिव रुपक पौडेल,दिनेश न्यौपाने लगायत नेता कार्यकर्ताको उपस्थिति रहेको थियो ।