राजसंस्थाको विषयमा राप्रपा नेपालले पुनर्विचार गर्छ : कमल थापा

काठमाडौँ । राप्रपा नेपालका अध्यक्ष कमल थापाले पार्टीले राजसंस्थाको विषयमा लिएको नीतिमा पुनर्विचार गर्ने बताएका छन् । राजसंस्थाको औचित्य र आवश्यकता रहेको भन्दै उनले केन्द्रीय समिति बैठकको धारणा र कार्यकर्ताको भावनाको सम्मान गर्दै राजसंस्थाको विषयमा लिइराखेको नीतिमा पुनर्विचार गरिने स्पष्ट पारे । 

बुधबार पार्टी आबद्ध जनवर्गिय संगठनको संयुक्त भेलालाई सम्बोधन गर्दै थापाले कांग्रेस कम्युनिस्ट प्रति जनताको चरम वितृष्णा रहेको भन्दै अध्यक्ष थापाले २०८४ को निर्वाचनमा नयाँ शक्ति जनताको रोजाई हुने बताए ।

थापाले नयाँ शक्ति राप्रपा नेपाललाई बनाउनु पर्ने भन्दै सबै जनवर्गीय संगठनहरुलाई संगठन केन्द्रित हुन निर्देशन दिए।भ्रष्टाचार, बेरोजगारी, धर्म परिवर्तन र कुशासनको विरुद्धमा जनतालाई जगाउनु पर्ने भन्दै थापाले जनताको पक्षमा दृढता पूर्वक उभिन समेत आग्रह गरे ।