कमल थापाले भने - गणतन्त्र र राजतन्त्रको विवाद आवश्यक छैन

काठमाडौं । राप्रपा नेपालका अध्यक्ष कमल थापाले गणतन्त्र र राजतन्त्रको विवाद आवश्यक नरहेको बताएका छन् । भ्रष्टाचार, बेरोजगारी धर्म परिवर्तन र सर्वसत्तावादलाई पराजित गर्नुपर्ने उल्लेख गर्दै उनले गणतन्त्रवादी र राजावादी सबै मिलेर देश बचाउनु र बनाउनु अहिलेको आवश्यकता रहेको बताएका छन् । 

‘धर्म परिवर्तनको डढेलोबाट सनातन धर्म संस्कृति र परम्पराको रक्षा गरौँ,’ थापाले ट्विटर मा लेखेका छन्, ‘गणतन्त्र र राजतन्त्रको विवाद आवश्यक छैन। गणतन्त्रवादी र राजावादी सबै मिलेर देश बचाउनु र बनाउनु अहिलेको आवश्यकता हो ।’