चर्चित अभिनेता जेम्स कानकाे निधन

काठमाडौँ । हलिउडका चर्चित अभिनेता जेम्स कानकाे निधन भएको छ।‘द गडफादर’जस्ता चलचित्रबाट दर्शकमाझ आफ्नो पहिचान बनाएका कानले ८२ वर्षको उमेरमा निधन भएकाे हाे।

उनले विगत केही दशकदेखि हलिउड उद्योगमा राज गर्दै आएका थिए।उनको निधन हलिउडका लागि मात्र नभई सम्पूर्ण मनोरञ्जन जगतका लागि ठूलो क्षति हाे।कानकाे निधनप्रति कलाकारहरूले श्रद्धाञ्जली व्यक्त गरेका छन्।आफ्नो लामो करियरमा उनले धेरै चलचित्रमा अभिनय गरेका छन्।

उनका उत्कृष्ट चलचित्रहरूमा ‘काउन्टडाउन’, ‘द रेन पिपल’, ‘फन्नी लेडी’ जस्ता चलचित्रहरू पर्छन्। यसबाहेक उनले ‘मिजरी’, ‘एल्फ’, ‘ग्याडफादर पार्ट-२’, ‘द ग्याम्बलर’जस्ता चलचित्रमा उत्कृष्ट भूमिका निर्वाह गरेका थिए।

जेम्स पछिल्लो पटक सन् २०२१ मा प्रदर्शनमा आएकाे रोमान्टिक कमेडी चलचित्र ‘क्वीन बिज’ मा देखिएका थिए।उनकाे पूरा नाम जेम्स एडमन्ड कान थियो। उनी चार गोल्डेन ग्लोब, एक एमी र एक ओस्करलगायतका पुरस्कारका लागि मनाेनित भएका थिए