काठमाडौं । काठमाडौंमा ट्यांकरको ठक्करबाट एकजनाको मृत्यु भएको छ । कागेश्वरी मनोहरा नगरपालिका–५, थलीस्थित हरियाली नगरमा पानीको ट्यांकरको ठक्करबाट पैदलयात्रीको मृत्यु भएको हो ।
रामेछापको उमाकुण्ड गाउँपालिका–४ घर भई थली बस्दै आएका अन्दाजी ६० वर्षीय नरबहादुर खड्काको मृत्यु भएको हो । ठक्करबाट गम्भीर घाइते भएका उनको उपचारका क्रममा नारायणटारस्थित शंखरापुर अस्पतालमा मृत्यु भएको जनाइएको छ ।
आज बिहान करिब सवा ८ बजे बा४ख ५००५ नम्बरको ट्यांकरले पैदल हिँडिरहेका उनलाई ठक्कर दिएको थियो । ट्यांकरसहित चालकलाई प्रहरी वृत्त बौद्धले नियन्त्रणमा लिएको छ ।
प्रतिक्रिया दिनुहोस
सफल खबर संवाददाता
विहीबार, ०५ जेठ २०७९, १३ : ४९
लेखकबाट थप