सी डिभिजन लिगमा रानीवनको दोस्रो जित

काठमाडाैँ ।  शहीद स्मारक सी डिभिजन लिगमा रानीवन स्पोर्ट्स क्लबले दोस्रो जित निकालेको छ ।

ललितपुरको सातदोबाटोस्थित एन्फा कम्प्लेक्समा आज दिउँसो भएको खेलमा रानीवनले ओएसीस क्लबलाई २–१ गोल अन्तरले पराजित गरेको हो ।रानीवनका लागि विनय र कुबेर बहादुर सिंहले १–१ गोल गरे भने आएसीसका लागि विक्रम जीटीले १ गोल गरे ।

खेलको सुरुवाती मिनेटमा नै विक्रमले गोल गरेर ओएसीसलाई अग्रता दिलाएका थिए । खेलको ५९ औँ मिनेटमा विनयको गोलले रानीवनको खेलमा पुनरागमन गर्यो । खेलको ६० औँ मिनेटमा कुबेरले अर्को गोल गर्न सफल भए ।

निर्धारित समयसम्म पनि दुवै टोलीले अर्को गोल गर्न सकेनन् र रानीवन विजयी भयो । आज हुने अर्को खेलमा वीरगञ्जज युथ एकेडेमी र स्पोर्ट्स एकेडेमी साँगा दिउँसो ४ बजे आमने सामने हुनेछन् ।