केकीले बिहीबार फोर्ब्सको धनाढ्य सूचीमा परेका रोहित तिवारीसँग लगनगाँठो कस्दै

काठमाडौं । अभिनेत्री केकी अधिकारी विवाह बन्धनमा बाँधिने भएकी छन्।

हाम्रोबजार डटकमका सिइओ रोहित तिवारीसँग  उनी विवाह बन्धनमा बाँधिने भएकी हुन्। बुधबार केकी र रोहितले मेहन्दी उत्सव मनाएका छन्। पारिवारिक सदस्य र केही साथीभाइबीच दुईले मेहन्दी उत्सव मनाएका हुन्। 

रोहित फोर्ब्सको सन् २०२० मा एसियाबाट ३० वर्षमुनिका धनाढ्यको सूचीमासमेत परेका थिए। उनी फुडमारियोको समेत सिइओ हुन्। केकी र रोहितबीच केही समयदेखि प्रेम सम्बन्ध रहेको बताइएको छ। अन्नपूर्ण पोष्ट दैनिकमा खबर छ ।