कोरोनाभाइरसको महामारीका कारण मनोरञ्जन क्षेत्रले निकै कठिनाइ व्यहोर्नुपर्यो । सुरुमै बन्द हुने र सबैभन्दा पछि खुल्ने क्षेत्र नै मनोरञ्जन भयो । यद्यपि यो वर्ष र आउँदा वर्ष ठूला फिल्महरू प्रदर्शनमा आउँदै छन् ।
बलिउडमै यो वर्ष आमीर खान अभिनित फिल्म ‘लाल सिंह चड्डा’ प्रदर्शन हुँदै छ । हलिउडमा ब्लकबस्टर भएको फिल्म ‘फरेस्ट गम्प’लाई आमीरले रिमेक गरेका हुन् । उनको फिल्म आउँदो अप्रिलमा रिलिज हुने भनिए पनि अन्ततः अगस्टमा पुगेको छ ।
यसैबीच शाहरुख खानको कमब्याक भनिएको फिल्म ‘पठान’को पनि भिडियोमार्फत् डेट घोषणा गरिएको छ । उनको फिल्म जनवरी २०२३ मा रिलिज हुँदै छ ।
पछिल्लो समय लगातार फिल्महरू असफल हुन् थालेपछि शाहरुखले केही समयको विश्राम पश्चात अभिनय गरेको फिल्म हो( पठान । फिल्मको डेट घोषणा गर्दा फिल्मको केही झलक देखाइएको छ । यसले गर्दा पनि शाहरुखको फ्यान हर्षित छन् ।
आफ्नो फिल्म ‘पठान’ को डेट घोषणा भएपछि शाहरुखले ट्विटरमा आस्क एसारके भनेर फ्यानहरूलाई प्रश्न सोध्न आग्रह गरे । जहाँ एक फ्यानले ‘लालसिंह चड्डा’ हेर्नु भयो रु भनेर सोधेका छन् ।
जवाफमा शाहरुखले भने, ‘अरे यार, आमर भन्छन् पहिले पठान देखाऊ ।’
फिल्मको डेट घोषणा भएलगतै शाहरुखले फिल्मको पब्लिसिटी विस्तारै सुरु गरिसकेका छन् । सिद्धार्थ आनन्दको निर्देशनमा तयार भएको फिल्ममा शाहरुखले ‘स्पाइ एजेन्ट’को भूमिका निर्वाह गरेका छन् ।फिल्ममा दीपिका पादुकोण र जोन अब्राहम पनि मुख्य भूमिकामा छन् भने सलमान खानले ‘टाइगर’ अवतारमा केमियो गरेका छन् ।
प्रतिक्रिया दिनुहोस
एजेन्सी
शुक्रबार, २० फागुन २०७८, १३ : ५७
लेखकबाट थप