एजेन्सी । संसारका कतिपय स्थानमा महिलाहरु मोडेल या अनस्क्रिनबाट संसदसम्म पुगेका छन् । यी महिलाहरूमा सौन्दर्यता मात्र नभई मस्तिष्क र शक्ति पनि छ । कलाकार वा मोडलिङ पेशा त्यागेपछि उनीहरू सरकारी मुद्दामा सामेल भए । यद्यपि, यो सत्य हो की पुरुषका आँखा उनीहरुका आकर्षक शरीरमा परिरहेको हुन्छ । यी हुन् संसारको राम्री राजनीतिज्ञहरुका केही उदाहरणः
१ मारिया कार्फाग्ना (इटाली)
मारिया इटालीकी राजनीतिज्ञ हुन् । उनी पहिले टपलेस मोडल भएपनि हाल उनलाई रुढिवादी राजनीतिज्ञको रुपमा चिनिन्छ । उनले आफूलाई ‘एन्टी फेमिनिष्ट’ भएको पनि दाबी गर्ने गरेकी छिन् । उनले ‘यौन व्यवसाय’को निन्दा समेत गर्ने गरेकी छिन् । मारियालाई संसारकै सबैभन्दा सुन्दरी राजनीतिज्ञको रुपमा लिने गरिन्छ ।
२. एलिना काबेभा (रसिया)
एलिना जिम्नाष्टिक खेलाडीको रुपमा निकै चर्चामा छिन् । उनी रसियाकी सफल जिम्नाष्ट हुन । उनले हालसम्म १८ वर्ल्ड च्याम्पियनशीप मेडल, २ ओलम्पिक मेडल तथा २५ युरोपियन च्याम्पियनशीप मेडल जितिसकेकी छिन् । २००७ मा जिम्नाष्टिकबाट सन्यास लिएसँगै उनी ‘प्रो–क्रेमलिन युनाइटेड रसियन पार्टी’को प्रतिनिधित्व गर्दै रसियन संसदको सदस्य भइन् । केही समय अगाडी रसियाका राष्ट्रपति भ्लाडिमिर पुटिनले उनीसँग विहे गर्न आफ्नो श्रीमति समेत त्याग्न तयार रहेको बताएको हल्ला चलेको थियो । तर यसलाई दुवैजनाले अस्वीकार गरिसकेका छन् ।
३. इभा केली (ग्रिस)
इभा २००९ मा ग्रिसको संसद सदस्यमा निर्वाचित भएकी थिइन् । उनी पूर्व टेलिभिजन कार्यक्रम प्रस्तोता हुुन् । उनी ग्रिक संसदकी निकै आकर्षक महिला हुुन् । तर ग्रिक संसदमा अन्य आकर्षक महिलाहरु पनि कमि छैन ।
४. योएन्ना मुका (पोल्याण्ड)
योएन्ना पोल्याण्डको तल्लो सदनकी सांसद हुन् । उनले तल्लो सदनमा लुबिन सहरको प्रतिनिधित्व गर्छिन् । उनले इकोनोमिक्समा पीएचडी गरेकी छिन् । उनी लुबिनस्थित क्याथोलिक युनिभर्सिटीकी प्राध्यापक समेत हुन् ।
५. रुबी धल्ला (क्यानडा)
रुबी भारतिय मुलकी ३४ वर्षीया क्यानेडियन राजनीतिज्ञ हुन् । उनी क्यानेडियन राजनीतिको मुख्य शक्तिको रुपमा रहेको ‘लिबर्टी पार्टी’की सदस्य हुन् । उनले परिवर्तनको लागि निकै लामो समय संघर्ष गरेकी छिन् । १९८४ मा जब भारतको पञ्जाब गोल्डेन टेम्पलमा शिखहरुलाई भारतीय सेनाहरुले गोली हानेका थिए, तब १० वर्षकी रुबीले तत्कालिन भारतीय प्रधानमन्त्री इन्दिरा गान्धीलाई हिंसा रोक्नको लागि पत्र लेखेकी थिइन् । उनलाई गान्धीले व्यक्तिगत पत्रमार्फत जवाफ पठाएकी थिइन् ।
६. लुसियाना लिन (पेरु)
युवा मतदाताहरुको मत जित्न सफल लुसियाना पेरुको संसदकी कान्छी सदस्य हुन् । २००९ मा स्पेनको एक पत्रिकाले उनलाई संसारकै राम्री राजनीतिज्ञको रुपमा समाचार छापेको थियो । तर उनको परिवार मुख्य भ्रष्टाचारका घटनामा मुछिएको बताइएको छ । जसमा लुसियानाको पनि हात हुन सक्ने अनुमान छ ।
७ एन्ना मरी ग्यालोजन (इस्टोनिया)
एन्नाले इस्टोनियन युरोपियन आन्दोलनको समयमा नेतृत्वदायि भुमिका निर्वाह गरेकी थिइन् । उनी अत्यन्त महत्वपूर्ण मानिसहरुमध्येकी एकको रुपमा मत पाएकी थिइन् । उनीविरुद्ध सरकारी पैसा सौन्दर्यको सामग्रीहरुमा दुरुपयोग गरेको आरोप लागेको छ । उनले प्लेब्वाय म्यागेजिनको लागि नग्न तस्वीर खिचाउँदै त्यसको विरोध गरेकी छिन् ।
८. ओर्ली लेभी (इज्रायल)
तीन बच्चाकी आमा ओर्ली इज्रायली नेसेट (विधानसभा)की सांसद हुन् । उनी पूर्व मोडल हुन् । उनको सौन्दर्यको चर्चा संसदमा निकै हुने गर्छ ।
९. युलिया मिमोशेन्को (युक्रेन)
युलिया दुई पटकसम्म युक्रेनको प्रधानमन्त्री भइसकेकी छिन् । उनी आफ्नो कामुकतामार्फत सबैको ध्यान खिच्न सक्ने राजनीतिज्ञ हुन् । तर उनले २०१० मा ठूलो समर्थन गुमाउँदा चुनावमा पराजित हुुनुपर्यो । उनी भ्लादिमिर पुटिनलाई मनपर्ने राजनीतिज्ञ पनि हुुन् ।
१०. भेरा लिस्क्का (अष्ट्रिया)
भेरा अष्ट्रियाकी पूर्व पौडीवाज हुन् । उनले आफ्नो राष्ट्रको लागि जर्जियाको एटलान्टामा १९९६ मा भएको समर ओलम्पिकमा प्रतिष्पर्धा गरेकी थिइन् । १९९६ मा भएको युरोपियन च्याम्यिनसिपमा उनले ५० मिटर ब्रेष्टस्ट्रोकमा युरोपियन उपाधी जितेकी थिइन् । उनी अष्ट्रियाकी राजनीतिज्ञ पनि हुन् ।
प्रतिक्रिया दिनुहोस