चितवन । चितवन प्रहरीले मंगलबार विहान प्रहरी पुर्वी चितवनको राप्ती नगरपालिका ११ चैथलीबाट ठुलो परिमाणको लागुऔषध गाजा बरामद गरेको छ । गोठमा लुकाई राखेको अवस्थामा प्रहरीको टोलीले एक सय १२ किलोग्राम गाजाँ बरामद गरेको हो ।
साथै प्रहरीले घटनामा संलग्न स्थानिय ५० बर्षीय ठुलीमाया तमाङ र २३ बर्षका तिलक तमाङलाई पक्राउ गरिएको जिल्ला प्रहरी कार्यालयका डिएसपी प्रभु प्रसाद ढकालले जानकारी दिनुभयो । जिल्ला प्रहरी कार्यालय चितवनले सुरक्षित चितवन बनाउने अवधारणा अनुसार ५ वटा रणनीति अघि सारेको छ । जिल्लाको शान्ति सुरक्षालाई ध्यानमा राखी लागुऔषधको कारोबारलाई विषेश ध्यानमा राखी अप्रेशन जारी राखीएको डिएसपी ढकालले जानकारी दिनुभयो ।
प्रतिक्रिया दिनुहोस