काठमाडौं । कोरोना भाइरस तीव्ररूपमा बढिरहेको भन्दै चन्द्रागिरी नगरपालिका सिल गरिएको छ । जिल्ला प्रशासन कार्यालयले लगाएको निषेधाज्ञालाई पनि सर्वसाधारणले अवज्ञा गर्न थालेपछि काठमाडौंको चन्द्रागिरी नगरपालिका सिल गरिएको हो ।
नगरपालिकाले शुक्रबार साँझ अत्यन्त जरुरी सूचनामार्फत् आजदेखि सबै सरकारी तथा निजी कार्यालय,बैंक तथा वित्तीय संस्थाका सेवासमेत सम्पूर्ण रुपमा बन्द गरि नगर क्षेत्रलाई सिल गरेको जनाएको छ ।
नगरपालिकाका मेयर घनश्याम गिरीले निषेधाज्ञामा पनि बैंक तथा सरकारी कार्यालयहरू खुल्ने र सर्वसाधारणको आवतजावत नरोकिएपछि सिल गरिएको जनाएका छन् । एन्टीजेन परिक्षणका क्रममा अधिकांश व्यक्तिमा कोरोना पोजेटिभ देखिएपछि नगरपालिकाले आकस्मिक रुपमा यस्तो निर्णय गरेको हो ।
अब चन्द्रागिरि नगर क्षेत्रमा आज जेठ १ गतेदेखि जेठ ७ गते विहान ५ बजेसम्म घर बाहिर हिँडडुल गर्न पूर्ण रुपमा रोक लगाएको छ । औषधि पसल र स्वास्थ्य संस्थाका अत्यावश्यक सेवा बाहकेका सबै खाद्यान्न,किराना,मासु पसल,फलफूल तथा तरकारी लगायत सबै सेवा बन्द गरिएका छन् ।
प्रतिक्रिया दिनुहोस
सफल खबर संवाददाता
शनिबार, ०१ जेठ २०७८, १० : ४७
लेखकबाट थप
सम्बन्धित समाचारहरु
कोरोना भाइरसविरुद्धको १६ लाख मात्रा खोप ल्याइँदै
हावाबाट कोरोना फैलिएको विश्व स्वास्थ्य संगठनको स्विकारोक्ति
कोरोना भाइरसविरुद्धको खोप विसर्जन गरिँदै