चितवन । नेपाल टेलिभिजनका कार्यकारी अध्यक्ष महेश दाहाललाई मातृशोक परेको छ । दाहालकी आमा टीकादेवी दाहालको आज ६४ वर्षको उमेरमा निधन भएको हो ।
भरतपुर महानगरपालिकाको पार्वतीपुर निवासी दाहाल लामो समयदेखि दमबाट ग्रस्त हुनुहुन्थ्यो । उहाँको १२ दिनदेखि कलेज अफ मेडिकल साइन्सेस शिक्षण अस्पताल (पुरानो मेडिकल कलेज) भरतपुरमा उपचार हुँदैआएको थियो ।
टीकादेवीका चार छोरा र एक छोरी हुनुहुन्छ । अध्यक्ष दाहाल परिवारको जेठो छोरा हुनुहुन्छ । अध्यक्ष दाहाल नेपाल जेसिसको राष्ट्रिय अध्यक्षका साथै विभिन्न सामाजिक संघसंस्थासँग आबद्ध हुनुहुन्छ । दाहालको आज नै पवित्र तीर्थस्थल देवघाटमा अन्त्येष्टि गरिएको छ । (रासस)
प्रतिक्रिया दिनुहोस