संवैधानिक इजलासका न्यायाधीशसँग प्रधानमन्त्री ओलीको गोप्य भेटवार्ता

काठमाडौँ । असंवैधानिक रुपमा प्रतिनिधि सभा विघटन गरेका प्रधानमन्त्री केपी शर्मा ओलीले सर्वोच्च अदालतमा त्यही मुद्दा हेरिरहेको संवैधानिक इजलासका न्यायाधीशसँग गोप्य रुपमा भेटवार्ता गरेको खुल्न आएको छ ।

प्रधानमन्त्री ओलीको निजी सचिवालय निकट स्रोतका अनुसार गत पुस २७ गते सोमबार सर्वोच्चका न्यायाधीशद्वय सपना मल्ल प्रधान र हरिकृष्ण कार्कीले बालुवाटारमा प्रधानमन्त्री ओलीसँग गोप्य भेटवार्ता गरेका हुन् ।

मल्ल र कार्की दुवै पूर्वएमाले कोटाबाट सर्वोच्चको न्यायाधीश बनेका हुन् । उनीहरु दुबै जना प्रधानन्यायाधीशको रोलक्रममा रहेका छन् । 

चर्को आलोचनापछि संवैधानिक इजलासबाट कार्की बाहिरिएपछि प्रधानन्यायाधीश चोलेन्द्र शमशेर राणाले न्यायाधीश मल्ललाई उक्त इजलासमा समावेश गरेका थिए ।