१ सय १४ किलो लागुऔसध चरेश सहित पक्राउ

वीरगञ्ज । वीरगञ्जमा लागुऔसध चरेससहित एकजना पक्राउ परेका छन् । कन्टेनरमा राखेर लैजानेक्रममा मकवानपुरको पालुङ नगरपालिका–११ घर भएका चालक रबिन तामाङलाई प्रहरीले पक्राउ गरेको हो ।

वीरगञ्ज महानगरपालिका–१९ स्थित परवानीपुरबाट प्रहरीले १ सय १४ किलो चरेश बरामद गरेको थियो । मकवानपुरको पालुङबाट वीरगञ्ज आएको ना ६ ख ५६४३ नम्बरको कन्टेनरबाट चरेश बरामद गरिएको प्रदेश–२ प्रहरी कार्यालयका डिआईजी धिरज प्रताप सिंहले  बताए ।

प्रदेश–२ प्रहरी कार्यालय  र विपद् व्यवस्थापन गुल्म पर्साबाट खटिएको टोलीले सो चरेश बरामद गरेको हो । कन्टेनरमा फल्स बटम बनाएर कारोबारीले सो चरेश मकवानपुरबाट वीरगञ्ज लगेका थिए ।