चितवनमा रहेका पूर्व युवराज पारस शाहको मुटुमा समस्या

चितवन । चितवनको नारायणगढ स्थीत सेन्ट्रलपाम होटलमा सहयोगी सहीत रहेका पुर्व युवराज पारश शाहमा मुटुमा समस्या देखिएपछि चिकित्सकको टोलिले होटलमै पुगेर उपचार गरेको छ ।

चितवन मेडिकल कलेजका प्राध्यापक बरिष्ठ मुटुरोग बिशेषज्ञ डा स्याम राज रेग्मीको नेत्रित्वमा ६ जनाको टोली होटलमा पुगी शाहलाई रुममै राखेर उपचार गरेको हो ।  अहिले शाहाले केही सहज महसुस भएको बताएको र रुपमै आराम गरिरहेको डा रेग्मीले बताए । बढि समस्या देखिएमा अस्पतालमै लगेर उपचार गरिने रेग्मीले बताए ।

शाहमा मुटुको गति बढेको र प्रेसर पनि अलि बढेको पाईएको अरु समस्या अहिले नदेखिएको रेग्मीको भनाई छ । उनी  अहिले गहिरो निन्द्रामा रहेकाले राति बढि समस्या देखिए अस्पतालमै लगेर उपचार गरिने डा रेग्मीले बताए । आफुहरु तयारी अवस्थामै रहिरहने डा रेग्मीको भनाई छ । होटल बाट चिकित्सकको टोली भने अहिले बाहिरिएको छ ।