बिहारमा पुनः मुख्यमन्त्री नितिशकुमारको गठबन्धनलाई बहुमत

एजेन्सी । भारतको बिहार प्रदेशको विधानसभा निर्वाचनमा पुनः नितिशकुमारको गठबन्धनले बहुमत प्राप्त गरेको छ । नितिशकुमार र भारतीय जनता पार्टीको एनडिए गठबन्धनले १ सय २५ सिट जित्दै पूर्ण बहुमत प्राप्त गरेको छ ।

जितको खबर राति अबेर सार्वजनिक भएको थियो । जितसंगै निर्वाचित गठबन्धनका कार्यकर्ताले राति नै एकआपसमा खुसीसाटासाट गरेका थिए । एनडिएलाई कडा टक्कर दिएको लालुप्रसाद यादवका छोरा तेजस्वी यादव नेतृत्वको युपीए गठबन्धनले १ सय १० सिट प्राप्त गरेको छ ।

निर्वाचन पछि गरिएको पुर्व सर्वेक्षणमा तेजस्वीको गठबन्धनले पुर्ण बहुमत प्राप्त गर्ने आकलन गरिएको थियो । तर त्यसको विपरित एनडिएको गठबन्धनले नै सरकार बनाउने भएको छ ।  जितपछि प्रधानमन्त्री नरेन्द्र मोदीले नयाँ दशक बिहारको हुने र त्यसको लक्ष्य आत्मनिर्भर बिहार हुने बताएका छन्। ट्विट गर्दै बिहारका जनतालाई जितका लागि उनले धन्यवाद दिए भने केन्द्रीय गृहमन्त्रीले विपक्षी दललाई निशाना साँधेका छन् ।

बिहार विधान सभा निर्वाचनमा भारतीय जनता पार्टीले ७०, राष्ट्रिय जनता दलले ७५, जेदयू ४३ सिट जित्न सफल भएका छन्। यस्तै कांग्रेसले १९, लोक जनशक्ती पार्टीले १ तथा हिन्दूस्तान अवाम मोर्चाले ४ सिटमा जित हासिल गरेको छ ।